EAJk eta EH Bilduk alderdikeria egotzi diote elkarri Gasteizko krisian
Gorka Urtaranek konfiantza-galdea aurkezteko hartutako erabakiak Gasteizko Udalean eragindako krisiaren harira, EAJk eta EH Bilduk alderdikeriaz jokatu izana egotzi diote elkarri. 2017ko Gasteizko aurrekontuak onartzeko hartutako erabakia izan da, EH Bilduk eta PPk aurka egin baitzuten.
Radio Euskadiko eztabaida batean Joseba Egibar EAJren bozeramaileak adierazi duenez, EH Bilduk "nahita" bilatu du Urtaran "ahitzea", EAJk eta PSE-EEk osatutako gobernu-taldearen aurrekontuak ez onartuta.
Egibarren aburuz, Gasteizko alkateak aurkeztutako konfiantza galdeak "egoera argitzen" laguntzeaz gain, EH Bilduren "hainbat gabezia agerian" utzi ditu.
Bestalde, Iker Casanova EH Bilduko parlamentariak argudio bera erabili du; izan ere, bere ustez, EAJk "alderdikeriaz" egin du Miren Larrion EH Bilduk Gasteizko Udalean duen bozeramailearen aurka, gaia hartzen ari den "maila politikoaz" lotsatu dagoelako.
Horrez gain, Laura Garrido PPren ordezkariaren esanetan, Urtaranek alkate gisa "porrot" egin duela erakutsi du krisiak, "muturreko ahultasuna" agerian uzteaz gain. Gainera, Garridoren arabera, "EH Bilduren beharra du inoiz baino gehiago" alkatetzari eusteko.
Era berean, Jose Antonio Pastor sozialistak esan du EH Bildu Urtaran "ahitzen" saiatu dela, Javier Maroto (PP) Gasteizko alkate izan zedin saihestu zuen unetik.
Azkenik, Lander Martinezek (Podemos) Gasteizen jarrera positiboz jokatzea eskatu du. Halaber, iaz adostutako aurrekontuen zati bat "asmo txarrez" gauzatu izana leporatu dio Urtarani.
Zure interesekoa izan daiteke
Zaballako preso baten heriotza salatu eta gardentasun handiagoa eskatu dute
Salhaketa Araba elkarteak gertatutakoari buruzko gardentasun handiagoa eskatu du, eta zalantzan jarri du hil aurretik 60 urteko presoari emandako arreta. Elkartearen esanetan, gertatutakoa "ezin da gertaera isolatu gisa ulertu".
Segurtasunaz gehiago eta eskumenez gutxiago arduratzeko gomendatu dio PPk Zupiriari
PPren Legebiltzarreko bozeramaileak deitoratu duenez, sailburua "ez dago egon behar duen horretan", eta "segurtasunaz eskumenez baino gehiago kezkatuko balit", bere ustez, "polizia hobeto hornituta egongo litzateke".
Ceutara legez kanpo iritsi diren herritarrak berehala Marokora itzularaziko ditu Espainiako Gobernuak
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal ingurutik sartu dira, batzuk igerian eta beste batzuk kostaldetik oinez.
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.