Lau urte eta erdiko kartzela-zigorra Ratori eta seikoa Blesari
Auzitegi Nazionalak sei urteko kartzela-zigorra ezarri dio Miguel Blesa Caja Madrideko presidente ohiari eta lau urte eta erdikoa Rodrigo Rato Bankiako presidenteari, 'black txartelen' auzian bidegabeko jabetzea eta administrazio desleiala egotzita.
Ostegun honetan eman dute ezagutzera 259 orrialde dituen epaia.
Gainerako 63 goi-kargu eta zuzendari ohiei hiru hilabete eta sei urte arteko espetxe-zigorrak ezarri dizkie epaileak, Ratoren eta Blesaren laguntzaile izatea leporatuta.
Auzipetu horien artean Ildefonso Sanchez Barcoj Caja Madrideko Bitartekoen zuzendari nagusi ohiaren kasua azpimarratzen du epaiak: bi urte eta sei hilabeteko zigorra ezarri dio, laguntzaile eta konplize izatea egotzita.
'Black txartelen' legez kanpoko erabilera 1984ko maiatzaren 24an egindako Caja Madrideko administrazio kontseiluan onartu zuten eta 15 milioi euro xahutu zituzten 1999 eta 2012 urteen artean.
Ebazpenaren arabera, jarduera Miguel Blesak zuzendu zuen lehenengo eta Rodrigo Ratok ondoren, eta Ildefonso Sanchez Barcoj arduratzen zen haien erabakiak gauzatzeaz. Berak komunikatzen zuen 'black txartelak' nori eman, hilean eta urtean zenbat gastatu zitekeen, zenbateko hori handitzeko baimena nori eman eta PIN kodea nork izan zezakeen.
Horregatik epaileak ondorioztatu du Ildefonso Sanchezen eginkizuna sare horretan kolaboratzailearena baino haragokoa zela; izan ere, bere “kontrolpean zeuden txartel horien erabiltzaileak”.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.