'Black' txartelak legezko pizgarriak zirela esan du Rodrigo Ratok
Caja Madrideko eta Bankiako 'Black' txartelak "legezko pizgarri" ekonomikoa zirela arrazoitu du gaur Rodrigo Rato Bankiako presidente ohi eta Espainiako gobernuko presidenteorde ohiak, eta sektorean zeuden beste txartel batzuekin parekatu ditu. Ratoren esanetan, Ogasunak gastu kengarri gisa aitortzen bazuen legezkoa izan behar zuen.
'Black' txartelen erabilera argitzeko Auzitegi Nazionalean egiten ari diren epaiketan, Rodrigo Rato aldeen galderei erantzuten hasi da gaur.
Rodrigo Ratok ziurtatu du Bankiako presidente kargua hartu eta hurrengo egunean Ildefonso Sánchez Barcoj Bankiako orduko zuzendari orokorrak bi txartel eman zizkiola: lehena, erabilera pertsonalerako zena eta funtzio sarigarria zuena eta bigarrena, ordezkaritza gastuetarako. Azaldu duenez, txartel horiek urteko muga bat zuten eta kopuru hori bera Caja Madridera iritsi baino lehen ezarri zen eta ez ei zuen inoiz aldatu. Ratok ez du zehaztu urteko kopuru hori inoiz gastatu zuen ala ez, baina egin izan balu bere aukera eta eskubidea zela azpimarratu du.
Nazioarteko Diru Funtseko (NDF) presidente ere izan zenak ez du 'Black' txartelen inguruko bere iritzia eman nahi izan: "Ez zait ez gaizki eta ez ondo iruditzen eta ezingo nuke esan sistema hori aplikatu duen Espainiako entitate bakarra denik".
Txartelak nork banatzen zituen galdetuta, Ratok azaldu du idazkari nagusiak ematen zizkiela gobernu organoetako kideei, finantza zuzendariak Rato berari eta aurreko presidenteak, berriz, zuzendaritza batzordeko kideei.
Ratoren esanetan, Bankiako kontseilariek gastu kengarri gisa deklaratzen jarraitu dute 'Black' txartelekin ordaindutakoa. "Gastuak legezkoa izan behar du kengarria izateko", nabarmendu du.
Hileroko 12.000 euroko mugaz galdetuta, Ratok zehaztu du ez zuela berak ipini muga hori, baina ez du argitu Bankiako nork hartu zuen erabaki hori. Bestalde, muga hori ez zuela inoiz gainditu ziurtatu du.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.