Majarenasek zentrotik atera ahal izango du arratsaldetan alabarekin
Jose Luis de Castro Auzitegi Nazionaleko epaileak arratsaldetan alabarekin zentrotik ateratzeko baimena eman dio Sara Majarenas presoari, umeak "argitasuna, airea, eguzkia eta parkean" jolasteko beharra duelako. Martxoaren hasieran irten zen kartzelatik, alabarekin Madrileko fundazio batean bizitzeko.
Aranjuezeko kartzelako zigor batzordeak Majarenasi programa berezia ezartzeko proposamena helarazi zuen, jarraipen zehatza eta hezkuntza-orientabidea eskaintzeaz gain, alabarekin "aisialdi-irteerak" egin ahal izateko. Epaileak onartu egin du eskaera hori.
Majarenas martxoaren 2an irten zen espetxetik, ETAren 'Levante' taldeko kide izateagatik 13 urte eta 10 hilabeteko zigorra betetzen ari zela. Epaileak Padre Garralda-Horizontes Abiertos Fundazioan bizitzeko baimena eman zion, 3 urteko alabarekin. Haurtxoaren aitak labankadaz zauritu zuen umea.
"Ezin da alde batera utzi hiru urteko haurtxo bat dela. Argitasuna, airea eta eguzkiaz gain, parkean jolasteko beharra du eta amarekin egin behar du, beti harekin bizi izan delako eta oso lotuta daudela frogatu delako", zehaztu du epaileak ostiralean helarazitako autoan.
Joan den otsailaren 6an aurkeztutako proposamenaren arabera, eskolara ez ezik, medikuarengana eraman ahal izango du. Horrez gain, zigor batzordeak aldez aurretik onartuz gero, arratsaldetan kalera ateratzeko aukera eskainiko diote.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.