Erkoreka: 'Elkarbizitza normalizaturako urratsak adostea da erronka'
ETAren armagabetzea gauzatu eta bi egunera, "agertoki berri batean" gaudela onartu du Josu Erkoreka Eusko Jaurlaritzako bozeramaile eta Gobernantza Publiko eta Autogobernu sailburuak. "Gauzak hobeto daude orain elkarbizitza normalizaturako urratsak eman ahal izateko", esan du, eta ingurumari horretan, urratsok adostu beharraren garrantzia azpimarratu du Erkorekak.
Euskadi Irratiari eskainitako elkarrizketa batean, armagabetzearen ondotik "fokoa hainbat lekutan" dagoela adierazi du Jaurlaritzako eledunak. Lehenik, ETAren desagertzea aipatu du, izan ere, horren ustez, "ETAk irautea eta gizarteak memoria kritikoa eraikitzea ez dira uztargarriak". Erkorekaren iritzian, urrats hori emateak beste gauza batzuk ahalbidetuko ditu, espetxe politika berria lortzea, esaterako.
Biktimak ere ahotan hartu ditu Jaurlaritzaren bozeramaileak, eta haien aldarrikapenen harira esan du "delitua egon den lekuan", ezingo dela "inpunitaterik egon". Hemendik aurrera egiteko dauden gauzen artean, "ETAk eragindako kalte injustua aitortzea" aipatu du Erkorekak.
Dena dela, zeregin garrantzitsuena erakundeen eta alderdien artean "adoste prozesua" egotea dela azpimarratu du bozeramaileak. "Denok dugu erronka, elkarbizitza normalizatu baten bidean urratsak emateko, urteetan lortu ez duguna lortzeko", erantsi du.
Erkorekak aitortu du Jaurlaritzari ez zaiola gustatu armagabetzea "hiru aste arinago" iragartzea, "tentsio eta noraezeko egunak" sortu direlako tartean. Dena dela, "ez da elkarri kritikak egiteko unea", horren ustez, armagabetzea gauzatu delako, "legaltasunaren barruan, Jaurlaritzak eskatutako irizpideekin", gainera.
Prozesu guztian nazioarteko egiaztatzaileek izandako papera nabarmendu du Erkorekak. Horren aburuz, Nazioarteko Egiaztatzaile Batzordeko kideek "interes berezia" izan dute erakundeen babesa izateko, eta Jaurlaritza hor egon da, "erantzukizunagatik". "Gu saiatu izan gara egon behar genuen lekuan eta momentuan egoten. Gure ekarpena, armagabetzea hitzartutako baldintzetan egitea izan da, ahalegin guztia horretan jartzea", adierazi du. Hori horrela, hori bermatuta, larunbateko ekitaldietan Jaurlaritzaren presentzia beharrezkoa ez zela gaineratu du Erkorekak.
Urkullu lehendakariak eta Rajoy Espainiako presidenteak azken egunotan izan duten harremanari buruz galdetuta, Urkulluk "leialtasunez" jokatu duela esan du Jaurlaritzako bozeramaileak. Hala, lehendakariak "jakinarazi beharreko guztia jakinarazi dio", azaldu du.
ldu du.Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.