EAJk eta PPk ukatu egin dute presoak hurbiltzeko negoziatzen ari direla
Alderdi Popularrak eta Eusko Alderdi Jeltzaleak ukatu egin dute euskal presoak Euskal Herrira hurbiltzeko akordio bat lortu dutela edota gai horren harira negoziatzen ari direla.
Cadena Ser irratiaren arabera, presoak Euskal Herritik gehienez 250 kilometrora dauden kartzeletara eramateko akordioa lortzear daude EAJ eta PP.
Aitor Estebanek azpimarratu du ez dutela inolako akordiorik PPrekin edo Espainiako Gobernuarekin. Areago, Estatuko aurrekontuak negoziatzeko izan dituzten elkarrizketetan presoen gaia jorratu ez dutela erantsi du.
Nolanahi ere, Estebanek adierazi du "espetxe politika aztertu" egin behar dela eta "noizbehinka" horren beharra gogorazten diotela Espainiako Gobernuari.
Amaitzeko, gogora ekarri du euskal presoak Euskal Herritik 250 kilometrora dauden kartzeletara hurbiltzeko proposamena EAJk berak egin zuela "aspaldi". "Ez dakidana da zergatik atera den hau orain", gaineratu du.
PP: 'Ez da egia'
Alderdi Popularrak gezurtatu egin du Cadena Ser irratiak emandako informazioa. PPren eta EAJren arten nahiz Espainiako Gobernuaren eta Eusko Jaurlaritzaren artean presoei buruzko elkarrizketari ez dagoela ziurtatu dute.
Rafael Hernando Kongresuko bozeramaileak ondokoa adierazi du: "Ez da egia, ez dago horrelako ezer eta une honetan ez dago inolako asmorik horrelako elkarrizketetarako".
Juan Ignacio Zoido Barne ministroak ere hitz egin du gai honi buruz eta nabarmendu du Espainiako Gobernuak "zorrotz" beteko duela legea euskal presoen aferan.
Twitter sare soziala erabili du espainiar ministroak mezua emateko, aurrez Daniel Portero Dignidad y Justicia taldeko presidenteak botatako txio bati erantzunez. "Ez dago inongo negoziaziorik, Daniel Portero, legea zorrotz betetzea baino ez dugu aurreikusi, biktimei zor diegun errespetu eta zorroztasunagatik", esan du Zoidok.
Cadena Ser irrati kateak gaur kaleratutako informazioa gezurtatzeko eskatu dio Porterok Ministerioari, eta "biktimok ez dugu gehiegikeria hori onartuko", azpimarratu du.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.