Maiorga Ramirez, Ultzamako zentroari buruzko ikerketa batzordearen buru
Ultzamako biometanizazio instalazioaren kudeaketa ikertuko duen batzordea eratu dute Nafarroako Parlamentuan, eta Maiorga Ramirez EH Bilduko parlamentaria izendatu dute presidente.
EH Bilduren, Geroa Bairen, Podemos-Ahal Duguren eta I-Eren aldeko botoekin aukeratu dute Ramirez. PPNk eta PSNk zuri bozkatu dute, eta UPNk bere hautagaia, Juan Luis Sanchez de Muniain, babestu du.
Batzordea honakoek osatuko dute: Adolfo Araiz (EH Bildu), Patxi Leuza eta Unai Hualde (Geroa Bai), Guzman Garmendia eta Santos Cerdan (PSN), Carlos Couso eta Ruben Velasco (Podemos-Ahal Dugu), Sergio Sayas eta Juan Luis Sanchez de Muniain (UPN), Javier Garcia (PPN) eta Marisa de Simon (I-E).
Ramirezek gogorarazi duenez, Nafarroako Kontuen Ganberak "irregulartasun oso handiak" atzeman zituen Ultzamako instalazioaren kudeaketan, eta Fiskaltzaren esku utzi zuen ikerketa judiziala. Ganberaren txostenaren arabera, ia lau milioi euroko diru laguntza publikoak xahutu zituen Ultzamako Udalak proiektuan, UPNren aurreko gobernuen babesarekin. Foru Gobernuko bi sail ezberdinetatik jaso zituen laguntzak, fakturak bikoiztu eta zerbitzu bera birritan kobratuta.
Parlamentari abertzalearen hitzetan, hiru helburu ditu batzordeak: batetik, proiektu honetan "zer gertatu den argitzea"; bestetik, kudeaketaren "erantzukizun politikoak zehaztea"; eta, azkenik, "diru laguntza publikoen kudeaketak dagokion gardentasuna izan dezan neurriak hartzea".
"Presidente moduan, talde guztien eskaerak beteko direla bermatuko dut, agerraldiak galdegin eta eztabaidak zuzenduko ditut", adierazi du Ramirezek. Helburua "egia ezagutzea" da, nabarmendu du.
Talde parlamentarioek astebete dute idatziak eskatzeko, eta ondoren zehaztuko dituzte agerraldiak. Irailaren 30erako, ondorioak aurkeztu beharko dituzte. Hurrengo bilera asteazkenean, ekainaren 7an, egitea adostu dute, 16:30etik aurrera.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.