Altsasuko gazteen senideak Europako Parlamentuan izan dira, babes eske
Ustez bi guardia zibili eta haien bikotekideei eraso egiteagatik Auzitegi Nazionalean terrorismo delitua egotzita epaituko dituzten Altsasuko gazteen senideak Europako Parlamentuan izan dira, Bruselan, kasuaren xehetasunen berri emateko eta herrialde ezberdinetako eurodiputatu eta taldeen babesa eskatzeko.
Talde parlamentario ezberdinekin bildu dira gaur eta Bruselako Ganberak 'Europa, Zuzenbide Estatutik salbuespen Estatura' izenburupean antolatutako hitzaldian izan dira.
Amaitzeko, agerraldia egin dute Maria Albiol (IU), Izaskun Bilbao (EAJ), Xabier Benito (Podemos) eta Josu Juaristi (EH Bildu) eurodiputatuek lagunduta.
"2016ko urriaren 15etik egoera oso injustua bizi dugula esatera etorri gara Bruselara", esan dute, egun hartan Altsasun gertatutako "tabernako liskarra" izan zela gogoratuta.
"Ez dugu inpunitaterik eskatzen, ezta batzuen edo besteen alde egiteko ere. Errugabetasun presuntzioa errespetatzea eskatzen dugu, gertatutakoaren inguruko ikerketa zorrotza eta neutrala egitea, proportzionaltasunez eta Zuzenbide Estatuaren printzipioak errespetatuz jardutea eta epaiketa justu bat izango dela bermatzea", azaldu dute.
"Justizia eta giza eskubideak eskatzen ditugu, Europa eraikitzeko eta demokrazian aurre egiteko oinarrizko printzipioak", erantsi dute.
Auzipetuen gurasoek esan dute Zigor Kodearen erreforma baten ondotik terrorismo delituaren definizioa zabaldu egin zela eta horren arabera epaituko dituztela.
Ildo horretan, gogora ekarri dute atentatu jihadistak Europan ugaritu ziren garaian egin zela Zigor Kodearen aldaketa eta Nazio Batuen Erakundeko bost kidek terrorismoaren definizio berria zalantzan jarri zutela, zabalegia delako eta horrek proportzionaltasuna bermatzen ez duelakoan, "terrorismoa ez diren ekintzak kriminalizatzeko arriskuarekin".
"Artikulu horren pean, hiru gaztek ia zortzi hilabete daramate espetxean, etxetik 400 kilometrora; eta beste zazpi, tartean bi adingabe, behin-behineko askatasunean daude; guztiei terrorismo delitua leporatzen diete eta 10-15 urtetik gorako kartzela-zigorra ezar diezaiekete", salatu dute.
Albiste gehiago politika
Peinado epaileak Begoña Gomez herri epaimahai batek epaitzea proposatu du, dirua bidegabe erabiltzea egotzita
Datorren larunbatean (18:00etan) epaitegira joateko dei egin dio, aurretiazko agerraldi baterako.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.