Alderdi guztiek, PPk salbu, gaixo dauden presoak aske uztea eskatu dute
Eusko Legebiltzarreko talde guztiek, PPk salbu, gaixotasun larriak eta sendaezinak dituzten presoak aske uztea eskatzeko testu bat adostu dute, beti ere indarrean dagoen legedia beteta. Halaber, euskal presoei aplikatzen zaien kartzela politika euskal erakundeekin adosteko eskatu diote Espainiako Gobernuari.
EH Bilduk presoen inguruan aurkeztutako proposamen baten aurrean erdibideko zuzenketa bat adostu dute EAJk, EH Bilduk, Elkarrekin Podemosek eta PSE-EEk. PPk, ordea, kontra bozkatu du Espainian preso "guztien" osasun eskubideak bermatuta daudela argudiatuta.
Gaur onartutako testuan jasotakoaren arabera, gaixotasun larriak eta sendaezinak dituzten presoak hirugarren graduan sailkatzeko eta "arrazoi humanitarioengatik eta duintasun pertsonalagatik" kartzelatik ateratzeko eskatu die Eusko Legebiltzarrak gaian eskumena duten autoritateei.
Halaber, Espetxe Erakundeen Idazkaritza Nagusiak 2017ko otsailaren 17an kaleratutako instrukzioa indargabetzeko ere eskatu du. Horren arabera, gaixo dauden presoak aske geldituko dira baldin eta "epe laburrean hiltzea aurreikusten bada edota hirugarren gradua edo baldintzapeko askatasuna lortzeko baldintzak betetzen badituzte".
Gainera, preso gaixoen lotuta adierazitako irizpidea "zuzentzeko" eskatu dio Juan Ignacio Zoido Espainiako Barne ministroari. Horren esanetan, baldintzapeko askatasuna aplikatzeko "presoa bi hilabeteko epean hiltzeko ageriko arriskua" dagoela erakutsi beharko da.
Bestalde, presoen bizitza, segurtasuna eta osasun eskubideak errespetatzeko eskatu die Espainiako Gobernuari eta Espetxe Zaintzari, botere publikoek "sentsibilitate berezia" adierazi behar dutela iritzita "kartzela politika arautu behar duten printzipioen aplikazioan".
Legebiltzarreko eztabaidan, "giza eskubideak guztiei eta toki guztietan" aplikatzea aldarrikatu du Iñigo Iturrate EAJko legebiltzarkideak. "Posible" izateaz gain, salbuespenezko neurrien aplikazioarekin amaitzea "komenigarria" dela aldarrikatu du.
EH Bilduren izenean Julen Arzuaga pozik agertu da lortutako akordioarekin, haren hitzetan, ezberdinen arteko indar metaketa "ezinbestekoa" da Espainiako Gobernuaren kartzela politika aldatzeko. Ildo berean, PPren immobilismoa gaitzetsi du.
Juan Luis Uria Elkarrekin Podemoseko legebiltzarkideak azpimarratu duenez, haren alderdiak preso guztien eskubideak defendatzen ditu. Horrez gain, argi utzi nahi izan du ez duela partekatzen ETAko presoekin "ankerkeriaz" jokatzea, ezta "mendeku" politikak aplikatzea ere.
Rafaela Romero PSE-EEko ordezkariaren esanetan, giza eskubideen alorrean ezin da "parteez" hitz egin. Gaineratu duenez, Zuzenbide Estatuaren sendotasuna legearen aplikazio "zorrotza" eginda erakusten da.
PPko Nerea Llanos legebiltzarkideak gogor egin du sozialisten kontra eta EH Bilduren diskurtsoa bere gain hartu izana leporatu dio PSE-EEri. "Ez dago zalantzan preso bakar baten ere osasunerako eskubidea", azpimarratu du.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.