Milaka lagun elkartu dira Iruñean Altsasuko atxilotuei babesa emateko
Altsasun Guardia Zibilei jotzeagatik atxilotu dituzten lagunen aldeko elkarretaratze jendetsua hartu du Iruñeak sanferminen azkeneko egunean.
2016ko urriaren 15eko gertakari harengatik 375 urteko kartzela-zigor eskaera pilatzen dute atxilotuek, eraso terrorista leporatuta. Izan ere, Auzitegi Nazionaleko Fiskaltzak 62 eta 12 urte arteko kartzela zigorrak eskatu zituen zortzi auzipetuen aurka.
"Sanferminetan ere, Altsasukoak libre" lelopean, milaka pertsona elkartu dira Gaztelu Plazan, 5.000 inguru, Udaltzaingoaren arabera. Antolatzaileek, Altsasukoak Aske plataformak, ez du daturik eman.
Atxilotuen gurasoak izan dira pankarta eutsi dutenetako batzuk, eta peñek, Joseba Asiron alkateak (EH Bildu), Patxi Zabaleta Aralarrekoak, eta EH Bilduko eta Geroa Baiko kargudun ugarik parte hartu dute ekitaldian.
Atxilotuak askatzearen aldeko oihuak eta Guardia Zibilaren kontrakoak entzun dira: "Alde hemendik", "utzi bateak Nafarroa", etab.
Agertokira plataformako bi kide igo dira, eta gogorarazi dute duela bederatzi hilabete hasi zela "amesgaiztoa", duela zortzi eraman zituztela lagunak, eta besarkadak bidali dizkiete guztiei, bereziki espetxean dauden hiruei.
"Muntaia politiko, mediatiko eta judiziala" izan dela salatu dute, eta "gertakaria gazteria zapaltzeko, kriminalizatzeko eta isiltzeko" erabili nahi dutela.
Gaineratu dute ez dela "antzeko zerbait egiten duten lehenengo aldia", baina oraingoan "muga asko gainditu" omen dituzte. Dena dela, horrek guztiak kontrako eragina izango duela uste dute, geroz eta gehiago direlako "hau basakeria bat izan zela" diotenak.
Amaieran bi auzipeturen aitak eta amak hitz egin dute jasotzen ari diren babesa eskertzeko, bai mobilizazioetan bai sanferminetan.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.