Altsasuko gazteen senideek: 'Beldurgarria da Fiskaltzaren neurrigabetasuna'
Urriaren 15ean Altsasuko (Nafarroa) taberna batean bi guardia zibilekin eta horien bikotekideekin liskarra izan zuten gazteen senideek "beldurra, kezka, babesgabetasuna eta mesfidantza" agertu dute, Fiskaltzak zortzi auzipetuen aurka egindako zigor eskaeraren ondorioz.
Ministerio Publikoak 62 urte arteko espetxe zigorrak eskatu zituen atzo gazteon aurka, lesio terroristak eta mehatxu terroristak egitea egotzita.
Horren ildotik, auzipetuen senideek salatu dute espetxe eskaerak "areagotu" egin dituela "mina eta kezkak", eta terrorismo delituak egoztea "neurrigabea" dela nabarmendu dute.
"Askoz larriagoak diren hainbat delituren kasuetan (homizidioak, taldekako bortxaketak, genero indarkeria eta haurren hilketak aipatu dituzte) zigor askoz txikiagoak ezarri dituzte", gogorarazi dute, Altsasun eskainitako prentsaurreko batean.
Kasu honetan, terrorismo delitua "hedatu" dutela eta, horrela, "legaltasuna eta bidezko epaiketa bat izateko eskubidea urratu" direla salatu dute.
Gazteen senideek azaldu dutenez, euren helburua ez da "inpunitatea" eskatzea, baizik eta erakundeek eta gizarteak defendatzea "errugabetasun presuntzioa eta berme guztiak dituen epaiketa bat egiteko, legearen erabilera injustua ez egiteko eta proportzionaltasunerako eskubideak".
"Laburbilduz, Zuzenbide Estatuaren printzipioak eta kalitate demokratikoa defendatzea eskatzen dugu", azpimarratu dute.
Senideen esanetan, euren "seme-alaben eta familien etorkizuna" ez ezik, "gizartearen babesa" ere jokoan dagoela ohartarazi dute, legea "bidegabe" erabiltzen ari baitira. "Kalitate demokratikoa, giza eskubideak eta justizia daude jokoan", gaineratu dute.
Testuinguru honetan, auzipetuen senideek babesa eskatu diete "Fiskaltzaren eskaera neurrigabearekin suminduta daudenei", eta uztailaren 7an Altsasun eta 14an Iruñean egitekoak diren manifestazioetan parte hartzeko deia egin dute.
Halaber, Altsasu Gurasoak plataformaren adierazpena sinatzea ere eskatu dute. Orain arte, 20.000 pertsonak baino gehiagok egin dute.
Alderdiei dagokienez, "pribatuan" auziaren norabidearekin ados ez daudela esan dieten politikariei iritzi hori publiko egiteko deia egin diete.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.