Etxeratek espetxe-politikari egotzi dio Kepa del Hoyo presoaren heriotza
Etxerat elkarteak gaur Azpeitian egindako agerraldian, "frantziar eta espainiar estatuek mantentzen duten salbuespenezko espetxe politika suntsitzailea" jo du Kepa del Hoyo ETAko presoaren heriotzaren erantzuletzat. Del Hoyo Badajozeko espetxean hil zen atzo bihotzekoak jota, kirola egiten ari zen bitartean.
Etxerateko kideak Azpeitian, San Ignazio Loiolakoaren basilikaren aurrean, bildu dira urtero legez, San Ignazioren omenez egin ohi den elizkizunaren egunean, ETAko presoen sakabanaketari eta "salbuespenezko espetxe-politikari" amaiera ematea eskatzeko asmoz.
Elizkizunera, besteak beste, Iñigo Urkullu lehendakaria eta Markel Olano Gipuzkoako Ahaldun Nagusia bertaratu dira, eta Etxerateko kideek presoen egoerari buruz lantzen duten txostena eman diote Urkulluri, eta espetxe-politikan aldaketak izan daitezen lan egin dezala eskatu diote. Lehendakariak, bere aldetik, horretan ari direla erantzun die.
Horrez gain, Etxerateko bozeramaileek testu bat irakurri dute, eta "elkartasun osoa" adierazi diete Del Hoyoren senitartekoei, eta "frantziar eta espainiar estatuek mantentzen duten salbuespenezko espetxe politika suntsitzailea"ri egotzi diote haren heriotza.
Etxeratek uste du euskal gizarteak ezin duela" beste bizitza bat utzi konponbidearen bidean", eta ezinbestekotzat iritzi dio "presoen eta erbesteratuen arazoari konponbidea emango dion bide-orri bateratu"ari heltzea.
Elkarte horren arabera, "mendeku gosean oinarritzen diren neurri ankerrek eraman dute preso galdakoztarraren bizitza".
"Ez ote da krudela Kepa del Hoyoren senideek 750 kilometro egin behar izatea haien ahaide maitearen gorpu bizigabea ekartzeko, 20 urte luzez egin dituzten bidaia amaigabeen eta nekagarrien moduan?", galdetu dute Etxerateko kideek.
Horrenbestez, Etxeratek larri gaixo dauden presoak aske geratu behar direla eta gainerakoak Euskal Herriko espetxeetara lekualdatu behar dituztela azpimarratu du beste behin.
Elkarretaratze eta manifestazio ugari
Arratsaldean zehar, ugariak izan dira Del Hoyoren heriotzaren harira euskal udalerri eta hirietan egin dituzten elkarretaratzeak eta manifestazioak.
Hartara, ehunka pertsona bildu dira Bilbon (Arriaga plazan), Gasteizen (Andre Maria Zuriaren plazan), Donostian (Boulevard zumardian) eta Iruñean (PPren egoitzaren aurrean), besteak beste, presoaren argazkia erakusten zuten irudiekin eta "Agur eta ohore" erakusten zuen pankartaren atzean.
Bilboko Arriaga plazan egin den elkarretaratzea. Argazkia: EFE
Galdakaon ere, Del Hoyoren bizitokian, manifestazio jendetsua egin dute, haren "heriotza salatzeko".
Gauean, ehun petsonatik gora bildu dira Boluetako beilatokian (Bilbo), Del Hoyoren hilkutxa jasotzeko. Aipatu hilkutxa hileta-auto batek eraman du Extremaduratik Boluetara, eta senideek eta Etxerateko eta ezker abertzaleko hainbat kidek harrera egin diote bertan, 22:00ak aldera.
Del Hoyoren hilkutxa Boluetako beilatokira heldu denean. Argazkia: EFE
Larunbatean, "manifestazio nazionala"
Sortuk "manifestazio nazionala" deitu du larunbat honetarako Galdakaon, Kepa del Hoyoren heriotza dela eta. Martxa 18:00etan abiatuko da, Galdakaoko udaletxeko plazatik hasita.
Bestalde, gaur iluntzean, 22:00etan, lehen harrera egingo diote Boluetako beilatokian. Horrez gain, biharamunean, Sortuko Batzorde Nazionaleko kideak Galdakaoko beilatik pasatuko dira 12:00etan, eta, 13:00etan, azken agurra emango diote.
Zure interesekoa izan daiteke
Bilboko Konpartsek eta Sarek manifestazioa deitu dute abuztuaren 28rako, 2027an euskal presorik egon ez dadin aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.