Puigdemont: 'Ez dut inolaz ere onartuko nire eskumenak baliogabetzea'
Carles Puigdemont Generalitateko presidenteak ez du uste, urriaren 1eko erreferenduma prestatzearen ondorioz, kargutik kenduko dutenik, La Vanguardia egunkariari eskainitako elkarrizketan adierazi duenez. "Ez dut inolaz ere nire eskumenen baliogabetzerik onartuko", adierazi du.
"Presidente kargua uzteko baldintzak Kataluniako Estatutuak zehazten ditu, hori dela eta, balizko etenaldiren aurrean planto egin beharko genuke", esan du. Gainera, azaldu duenez, Kataluniako Gobernuak edozein egoera aurreikusi du, baita Konstituzioaren 155. artikuluaren aplikazioa, baina errefusatu du horrek Generalitatearen eta Estatuaren arteko gatazka konponduko lukeenik.
Puigdemontek azpimarratu duenez, urriaren 1ean bozkatuko dute, "6.000 hautetsontzi inguru izango dira" Kataluniako independentziaren inguruan bozkatu ahal izateko, baina kontsulatu batean edo etxebizitza batean gordeta daudela ukatu du.
Bestalde, urriaren 1az geroztik Espainiako Gobernuaren jarrera "erabat aldatuko" dela iragarri du, referendumaren emaitza independentziaren aldekoa edo kontrakoa izanda ere.
Kataluniako atentatuak
Bartzelonan eta Cambrilsen izandako atentatuei dagokienez, Kataluniako presidenteak esan du Generalitatea eta Estatua "espero bezala aritu dira", baina Esquadra Mossoen ekintzekin politika egin nahi izana salatu du. "Badirudi Kataluniako poliziaren arrakastak hautsak harrotu dituela, baina terrorismoaren aurkako borrokan etsaiak terroristak beraiek dira", nabarmendu du.
Referedumaren egunean Mossoek izan dezaketen paperari buruz, Puigdemontek esan du ez dutela "inolako erantzukizunik", eta bakarrik segurtasuna bermatuko dutela.
Albiol
Xavier García Albiol Kataluniako Alderdi Popularreko presidenteak hausnarketa egin dezala eskatu dio gaur Carles Puigdemonti, eta gogoratu dio Moncloako ateak zabalik dituela "betiere, legearekin bat datorren proposamenen bat egiteko prest egonez gero".
Castelldefelsera (Bartzelona) egin duen bisitaldian esan duenez, asteazken honetan Kataluniako Gobernuak erreferendumaren legea parlamentuan izapidetzea erabakitzen badu azkenean, Espainiako "Gobernuak Zuzenbidezko Estatuaren baliabide guztiak erabiliko ditu dagokion erantzuna emateko, proportziozkoa baina irmoa".
Halaber, aurreratu du bere alderdiak ez duela parte hartuko Kataluniako parlamentuko hurrengo osoko bilkuran eta "legez kontrako ekintza" dela esan du.
Iceta
Bere aldetik, Miquel Iceta PSCko buruak adierazi duenaren arabera, Generalitateak datorren urriaren 1erako independentziari buruzko erreferenduma antolatzen badu, bozkatzera ez joateko deia egingo diete Kataluniako sozialistek euren hautesleei eta gainerako herritarrei.
Icetaren aburuz, Junts pel Sí (JxSí) eta CUP alderdiek onartzeko asmoa duten Iragankortasun Juridikorako Legeak bi asmo besterik ez ditu: independentziaren alde daudenei "serio doazela erakustea" eta independentziaren aurka daudenei "beldurra eragitea" 'ezezko' botoa ematera joan daitezen eta, modu horretan, balizko parte-hartze kopurua handiagoa izan dadin.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.