Parlamentuaren ebazpenen aurkako epaia betetzeko eskatu du Rajoyk
Mariano Rajoy Espainiako presidenteak epaia betetzeko intzidentea onartzeko eskatu dio gaur Auzitegi Konstituzionalari. Eskaera horrekin, Kataluniako Parlamentuak gaur onartu asmo duen Erreferendum Legea bertan behera geratuko da.
Gobernuburuak ez du Ministroen Kontseiluaren aparteko bilera deitu behar horretarako, Konstituzionalak bere garaian esan zuelako erreferenduma deitzea helburu duten lege guztiak legez kanpokoak direla.
Espainiako Gobernuaren iturriek jakitera eman dutenez, ez dago helegitea jarri beharrik Kataluniako Parlamentuak erreferendumaren inguruan hartzen dituen erabakien kontra egiteko, Auzitegi Konstituzionalak horren inguruko epaia kaleratuta duelako jada.
Ondorioz, Gobernuak zehaztu duenez, Ministroen Kontseiluaren aparteko bilerarik deitu beharrik ere ez dago, nahikoa baita Espainiako presidenteak epaia betetzeko intzidentea onartzeko eskatzea, dagoeneko egin duen bezala.
Espainiako Gobernuak jarritako helegite baten harian hartu zuen Auzitegi Konstituzionalak erabaki hori, 2015eko abenduaren 2an, aho batez, Kataluniako Parlamentuak erreferenduma sustatzeko eta antolatzeko hartutako erabaki oro baliogabe uztea. Hori kontuan hartuta, Rajoyren Gobernuak adierazi du ebazpen horrek berak baliogabe uzten duela gaur onartu nahi den legea ere.
Halaber, Kataluniako Parlamentuko Mahaiko kideei deklarazioa hartzeko eskatu dio Rajoyk Auzitegi Konstituzionalari, Erreferendumaren Legearen tramitazioa onartzeagatik izan dezaketen erantzukizun penalarengatik.
Kataluniako Parlamentuko ikuskizun "lotsagarria" salatu du Saenz de Santamariak
Soraya Saenz de Santamaria Espainiako Gobernuko presidenteordearen esanetan, Kataluniako Parlamentuan gaur izandako ikuskizuna "lotsagarria" izan da demokrata ororentzat. Azaldu duenez, demokraziaren, parlamentarien eta kataluniarren eskubideen eta funtzionarioen eskumenen aurkako "indarrezko ekintza" izan da. Santamariaren arabera, bere bizitzan ez du inoiz hainbesteko auzo lotsarik pasa.
Erreferendum Legea onartuz gero, Espainiako Gobernuak helegitea aurkeztuko du Konstituzioaren kontrakoa dela iritzita. Halaber, gauza bera egingo du Rajoyren Gobernuak Kataluniako Gobernuak "aurrera egin" eta erabaki gehiago hartzen baditu.
Kazetarien aurrean Moncloan egin duen agerraldian Espainiako presidenteordeak azpimarratu duenez, Espainiako Gobernua "Espainian legea eta Katalunian demokrazia" defendatzen ari da.
ndatzen ari da.Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.