Nafarroako akordio programatikoa babestu du Barkosek
Nafarroako Gobernua osatzeko sinatutako akordio programatikoa babestu du igande honetan Uxue Barkos Nafarroako presidenteak, Geroa Bai alderdiak ikasturte politiko berriari hasiera emateko Iruñean egindako ekitaldian. Akordio hori tresna "baliagarria" dela esan du, eta legegintzaldiaren bigarren parteari begira, "bakoitzak bere kalkulu politikoak egiten hasteak" ekar lezakeen "arriskuaz" ohartarazi du.
"Arrisku horrek portaera eta jarrera batzuk azaltzen ditu, eta aurrera begira okertu egingo gara", azpimarratu du Barkosek. Ildo horretatik, akordioa bilatzeko eskua luzatuta duela esan du, eta, arrazoi horregatik, desberdintasunaren aldeko aldarria egin du.
"Aurkaria ez dago etxean, sinatutako akordiotik kanpo baizik", ziurtatu du ikasturte politikoari hasiera emateko ekitaldian. Oposizioak erabilitako "argudio apokaliptikoak" datu ekonomikoekin gezurtatu ditu Nafarroako presidenteak eta Abiadura Handiko Trena bezalako gai "garrantzitsu eta sentikorren inguruan" azken asteotan sortutako polemikak deitoratu ditu.
Koldo Martinez Geroa Baiko talde parlamentarioaren bozeramailea, Itziar Gomez Iruñeko Udalean koalizioko bozeramailea eta alderdi horretako kideak izan dira gaur, Barkosekin batera, Uharteko Don Carlos Hotelean. Hurrengo hilabeteetan koalizioak jarraituko duen "ildo politiko nagusia" aurkeztu dute bertan, baita "ikasturte honetan aurre egin beharreko erronkak" ere.
Abiadura Handiko Trenaren inguruan hitz egiteko tarte handia hartu du Barkosek, eta "nafarrei 25 urtez ukatu egin zaien azpiegitura" baten aurrean, "antza, hiru eguneko atzerapenagatik" akordioa apurtzeko orduan izandako "arduragabekeria" leporatu dio Espainiako Sustapen ministroari.
"Zorroztasunez, seriotasunez eta zenbakiekin" lan egin duela azpimarratu ondoren, denbora honetan jaso duen "presio politiko bakarra" UPNk eta PPk Estatuko Aurrekontu Orokorrak onartu aurretik sinatutako akordioaren harira izan dela esan du Barkosek. "Egun horretan, hitzarmena apurtzeko hitza eman zion Alderdi Popularrak UPNri", ziurtatu du.
"UPNk jostailu bat nahi zuen, eta jostailu hori lortu du, baina, tamalez, apurtuta dagoela uste dut, eta Nafarroari hitzarmen bat lapurtu zaio", nabarmendu du. Ildo horretatik, atzera begira jarraitzen badute azken urteotan izandako indarra galduko dutela ohartarazi die. Hala, Geroa Bai etorkizuna beste modu batera eraikitzeko eredu izango dela berretsi du.
Zure interesekoa izan daiteke
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.