Polizia eta guardia zibil gehiago Kataluniara, 'Mossoei laguntzeko'
Urriaren 1eko erreferendumari begira, Espainiako polizia nazional eta guardia zibil gehiago egongo dira aurki Katalunian. Hala jakinarazi dio gutun bidez Juan Ignacio Zoido Espainiako Barne ministroak Generalitateari. Helburua, agirian dioenez, "ordena publikoa zaintzen laguntzeko Esquadra Mossoei".
Eskutitzean azaldutakoaren arabera, erreferendumaren deialdiari eusten bazaio, egiteko argia izango dute Estatuko segurtasun indarrek: "espazio publikoa zaintzea eta ordena mantentzea".
Zoidoren esanetan, zeregin horretan "Esquadra Mossoei lagunduko diete" agenteok. Gogorarazi duenez, Kataluniako Fiskaltzak irailaren 8an Guardia Zibilari, Espainiako Poliziari eta Esquadra Mossoei 2/2017 instrukzioan agindutakoa betearazteko hartu dute neurria, hau da, "legez kontrako erreferenduma saihesteko behar diren ekinbide guztiak indarrean jartzeko".
Estatuko segurtasun indarrei dagokien 2/1982 Legearen 38.2 artikulua baliatu du Espainiako Gobernuak agente gehiago bidaltzeko.
Ekonomia idazkaria kargugabetu du Generalitateak
Bien bitartean, Jordi Turull Kataluniako Gobernuko Presidentetza kontseilari eta bozeramaileak iragarri duenez, Josep Maria Jove Ekonomia idazkari eta Oriol Junquerasen 'bigarrena' kargugabetzea erabaki dute, haren kontra abiatutako "zentzugabekeria juridiko eta polizialaz babesteko".
Joveri eta Kataluniako Hauteskunde Sindikaturako bost kideri eguneko 12.000 euroko isuna ezarri die Auzitegi Konstituzionalak.
Jove, Junquerasen ondoan, artxiboko argazki batean. EFE
Kataluniako Exekutiboak aparteko gobernu bilera batean hartu du erabakia. Dekretu bakarra onartu dute, Jove kargugabetzen duena. "Egindako lana eta bere leialtasuna" goraipatu ditu Turullek.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.