Rajoy: 'Errudun bakarrak legea hautsi dutenak izan dira'
Mariano Rajoy Espainiako Gobernuko presidenteak Gobernuak Katalunian izandako jokabidea babestu du, eta Parlamentuko indar guztiak deituko dituela iragarri du "elkarrekin hausnartzeko guztiok elkarrekin aurre egin beharko diogun etorkizuna".
Rajoyk agerraldia egin du Moncloako jauregian, deklarazio instituzional batean. "Gaur ez da erreferendumik izan Katalunian", nabarmendu du, eta Diputatuen Kongresuan agerraldia egitea eskatuko duela iragarri du.
Espainiako Gobernuko presidentearen hitzetan, Katalunian gaur gertatutakoaren erantzuleak eta errudunak "legaltasuna eta bizikidetza urratzea bultzatu dutenak" dira. "Ez bilatu errudun gehiago, ez daude", esan du.
Halaber, "gaurkoan demokrazia nagusitu da, Konstituzioa bete delako", esan du, eta Gobernuak Katalunian izandako jokaera babestu du. "Egin beharrekoa egin dugu, Espainiako Gobernua gara, ni neu naiz presidentea, eta nire erantzukizuna onartzen dut", azaldu du Rajoyk.
Bestalde, epaile, fiskal, Polizia eta Guardia Zibilaren lanak eskertu ditu, "legediaren aurkako eraso larri horren aurrean". "Guztiontzat errazagoa izango litzateke beste alde batera begiratzea", baina demokraziari "leialtasuna" izan diotela esan du.
Mariano Rajoyren iritzian, igande honetan Zuzenbide Estatuak argi erakutsi du "eraso larri horretatik babesteko tresnak badituela".
Horrez gain, Generalitatearen aurka egin du, "legez kanpokoa eta ezinezkoa" den erreferenduma aurrera eramategatik, horrela Zuzenbide Estatuaren aurkako "erasoa" eginez, "ez ezer ez inor" inporta gabe.
PSOEk Zuzenbide Estatua babesten jarraituko du
Pedro Sanchez PSOEko idazkari nagusiak alderdia Katalunian izandako karga polizialen kontra dagoela adierazi du, eta agindu dituztenei "erantzukizun politikoak" eskatuko dizkiela nabarmendu du.
Hala eta guztiz ere, Sanchezek esan du PSOEk Espainiako Estatua babesten jarraituko duela, Konstituzioaren eta gaur "arriskuan" izan den Espainiaren lurralde osotasunaren defentsan, baita espainiarren arteko bizikidetzaren alde ere, "Gobernu hau izan arren". "Egoerak eskatzen duena egiteko unea da", esan du Ferrazen alderdiak duen egoitzan. Ez du galderarik egitea onartu.
PSOEko buruak Espainiak eta Kataluniak munduan indarkeriaren "irudi tristea" eman izana leporatu die Generalitateari eta Rajoyren Gobernuari; "bi politiken porrotaren kronika", "haustura independentista" eta Espainiako Gobernuaren "immobilismoa" dira irudi horren errudun, horren ustez.
Pedro Sanchezen hitzetan, lehenengo erantzulea, eta garrantsitsuena, Kataluniako Gobernua da, "desobedientzia" bultzatu duelako, erakundeei "men ez egitea" eskatuta "segurtasunik gabeko egoerak" sortu dituelako politika kaleetara eramanda, eta Kataluniako gizartean banaketa sakona eraginez.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.