Epaile batek karga polizialen inguruko ikerketa abiatu du
Bartzelonako epaile batek Kataluniako Gobernuaren salaketa bat onartu eta urriaren 1eko karga polizialen harira ikerketa abiatu du, joan den igandean Polizia Nazionalak eta Guardia Zibilak izandako jokabidea argitzeko.
Francisco Miralles Bartzelonako Instrukzioko 7 zenbakiko epaitegiko epaileak Fiskaltzaren argudioak baztertu eta bozkaleku batean bakarrik gertatutakoa ikertzeko Fiskaltzaren eskaera atzera bota du: "Ohiko bizikidetzan ondorioak izan ziren, istiluak izan baitziren eta, Bartzelonan, goizean zehar, gutxienez 17 toki ezberdinetan zaurituak izan zirelako".
Hori horrela, epaileak ez ditu aintzat hartu Fiskaltzaren adierazpenak (ohiko bizikidetzan ondoriorik ez zela egon esaten zuen bere idazkian). Eta hortaz, elkarbizitzaren asaldura agenteen, manifestarien edo batzuen eta besteen erruz gertatu ote zen zehazteko ikerketa abiatu du.
Epailearen autoaren arabera, asteartera arte 99 zaurituren salaketak jaso izan zituen.
Epailearen ustetan, ikerketa ezin da botaleku bakar batean gertatu zenari mugatu eta guztiak ikertu behar dira "ahalik eta argien zer gertatu zen zehazteko eta agenteek zein manifestariek izan zuten jokabidea zein izan zen argitzeko".
Hori dela eta, epaileak 30 atal ezberdin zabaldu ditu zaurituen, ikertuen eta lekukoen nondik norakoak ezagutzeko.
Urriaren 1ean, legea betetzen ari zirenean, agenteek "indarra proportzionaltasunez" erabili ote zuen argitzeko ikerketa dela esan du epaileak.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.