Independentziaren aldarria argitu gabe, elkarrizketa eskatu du Puigdemontek
Carles Puigdemontek elkarrizketarako "bi hilabeteko epea" eman dio Mariano Rajoy Espainiako presidenteari. Kataluniako presidenteak gaur 10:00ak arte zuen Moncloak asteazkenean bidalitako errekerimenduari erantzuteko.
Bi orrialdeko gutun baten bidez ihardetsi du Generalitateko presidenteak. Eskutitzean ez du argitu urriaren 10ean Kataluniako Parlamentuan egindako agerraldian independentzia aldarrikatu ote zuen. Zehaztu duenez, "urriaren 1ean herritarrek hautetsontzietan emandako agindu politikoaren ondorioak etenda daude, nire borondatea konponbidea lortzea delako, ez ika-mika".
Elkarrizketarako deia berretsi du Puigdemontek, eta bilera bat "lehenbailehen" hitzartzeko galdegin dio Rajoyri.
Eten dezala 'errepresioa'
Negoziazioa beharrezkoa dela azpimarratzeaz gain, "Kataluniako herriaren eta gobernuaren kontrako errepresioa" geldiarazteko exijitu du Generalitateko presidenteak. Ildo horretan, gogorarazi du Jordi Sanchez eta Jordi Cuixart Omnium Cultural elkarteetako presidenteek eta Josep Lluis Trapero Esquadra Mossoen buruak Auzitegi Nazionalean ikertu gisa deklaratu behar dutela gaur, sedizioa egotzita.
Errepresio horren adibide dira, Puigdemonten hitzetan, "Generalitateko kontu korronteen esku hartzea eta izoztea, Interneten eta hedabideetan ezarritako zentsura, posta-sekretua urratzea, funtzionario publikoak atxilotzea edota Poliziak urriaren 1ean herritar baketsuen kontra erabilitako indarkeria basatia".
"Gertatutakoak gertatuta, elkarrizketarako gure proposamena zintzoa da, baina logikoki errepresio eta mehatxu giro honetan ezin da hitz egin", azpimarratu du.
"Hitz egin nahi dugu"
Puigdemontek aitortu duenez, "harrituta" geratu zen Rajoyk asteazkenean Espainiako Konstituzioen 155. artikuluari bidea emateko pausoa eman zuela ikusi zuenean, eta Generalitatearen hitz egiteko borondatea "zintzoa eta benetakoa" dela berretsi du. Generalitateko presidenteak urriaren 1eko hauteskundeen eta Kataluniako azken hauteskunde autonomikoen emaitzak gogoratu ditu, eta itundutako erreferendum baten alde dauden herritarren kopuru handia (% 80 ingurukoa). "Errealitatea onartzea da arazoak konpontzeko bidea", azpimarratu du.
Hala, "datozen bi hilabeteotan" elkarrizketa abiatzeko deia egin dio Rajoyri, "negoziazioa bideratzeko prest agertu diren nazioarteko, Espainiako eta Kataluniako erakunde eta pertsona ezagun guztiek hori garatzeko aukera izan dezaten".
"Nire gobernuaren lehentasuna elkarrizketa modu bizian bilatzea da. Hitz egin nahi dugu, demokrazia sendo guztiek egiten duten legez. Kataluniako herritarren gehiengoak nahi duen Europaren baitako herri independentea lortzeko egin nahi dugu berba", azaldu du.
Eskutitzaren azken partean urriaren 10eko bere hitzaldiaren, erreferendum legearen eta urriaren 1eko emaitzen estekak atxiki ditu Puigdemontek.
> Puigdemontek.Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.