Altsasuko gazteen abokatuek Auzitegi Nazionalaren 'inpartzialtasun' eza salatu dute
Altsasuko zortzi gazte auzipetuen defentsa abokatuek Auzitegi Nazionalaren "inpartzialtasun" eza salatu dute. Azpimarratu dutenez, Auzitegi Nazionalak atzera bota ditu beraiek aurkeztutako froga gehienak; akusazioarenak onartu egin ditu. Duela urtebete sartu zituzten kartzelan Altsasuko gazteak eta oraindik epaiketaren zain daude. Bien bitartean, gazte horietako hiruk behin-behineko espetxealdian jarraitzen dute. 2016ko urriaren 15eko goizaldean bi guardia zibili eta haien bikotekideei Altsasun eraso egitea leporatuta zortzi gazte auzipetu zituzten.
Urteurrenaren harira, Altsasuko gazteen abokatuek prentsaurrekoa eskaini dute auzibidearen nondik norakoen berri emateko.
2016ko azaroan Auzitegi Nazionaleko Carmen Lamela epaileak bermerik eta baldintzarik gabe zazpi gazte espetxera bidali zituen. Gerora, abenduan, zazpi horietako lau aske utzi zituen.
Abokatuen esanetan, Altsasuko taberna batean gertatutako "liskar" baten harira hiru gaztek espetxean jarraitzen dute, eta 12 eta 60 urte arte bitarteko kartzela eskaerei aurre egin beharko diete.
Defentsak proposatutako proba asko Auzitegi Nazionalak atzera bota dituela azpimarratu dute, tartean, lekuko askoren deklarazioak. Ildo horretan, benetako tutoretza juridikorako, garantia guztiak edukiko dituen prozesurako, defentsarako eta defentsaren alde frogabide egokiak erabiltzeko eskubidea urratu dela gaineratu dute.
Azkenik, ez da onartu defentsek proposatutako lekuko askoren deklarazioa, horien artean daudelarik gertakariak izan ziren unean akusatutako gazteekin zeuden pertsonenak, tabernaren barrualdean eta kanpoaldean gertatutako guztia berretsi lezaketenak. Aldiz, akusazioen lekuko guztiak onartu dituzte
Proposatutako frogak ez onartzeari dagokionez, epaiketa egin behar duen epaitegiaren inpartzialtasuna eza agerian gelditzen dela azpimarratu du Jaime Montero abokatuak.
Defentsaren hitzetan, "horren ondorioz erabateko indefentsioan murgildu ditu gazteak, epaiketa zuzena eta garantia guztiekin izan dadin daukaten eskubidea gauzatzeko aukera ukatzen dielako".
Hori guztia dela eta, idatzizko protesta aurkezte dute abokatuek frogak ez onartzeko erabakiaren aurrean.
Bideoa: Argi-itzalaldia egin dute Altsasun, kartzelatutako gazteak askatzea eskatzeko
CONTENIDO NO ENCONTRADO
Albiste gehiago politika
Peinado epaileak Begoña Gomez herri epaimahai batek epaitzea proposatu du, dirua bidegabe erabiltzea egotzita
Datorren larunbatean (18:00etan) epaitegira joateko dei egin dio, aurretiazko agerraldi baterako.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.