Milaka lagun bildu dira Parisen, bakearen eta presoen eskubideen alde
12:30ak jota hasi da Parisen bakearen artisauek deitutako manifestazioa "Bakea Euskal Herrian: Orain presoak" lelopean, kartzeletako zutabeak Montparnasseko geltokira iritsi ostean. 11.000 lagun inguru bildu dira antolatzaileek jakitera eman dutenez.
Joaldunen zintzarri hotsek ireki dute manifestazioa. Pankartaren atzean, lehen lerroan, parlamentario, hautetsi eta 'artisauak'; ondoren, presoen senideak, eta atzetik, Euskal Herri osotik joandako milaka lagun. Izan ere, aurreko egunetatik jada Parisera joandako jendeari, gaur goizean Hendaiako geltokitik irten diren bi tren berezietan nahiz dozenaka autobusetan iritsitakoak gehitu zaizkie.
[#Ab9PARISE Manifestaldia #BakeaEuskalHerrian ¿¿]
Milaka lagun bake prozesuaren alde eta euskal presoen egoera latzaren bukaera exijitzeko.
— Artisans de la Paix (@Artisans_Paix) 9 de diciembre de 2017
Ikurriña ugari ikusi ahal izan dira bide guztian, baita "amnistia" eta "presoak etxera" ziotenak ere. Hala, manifestazioan tarte nabarmena izan dute Etxerat presoen senideen elkarteko ordezkariek. "Etxean nahi ditugu" jartzen zuen pankarta eraman dute mobilizazioan.
Parisen egindako manifestazioarekin, presoei ezartzen zaizkien "salbuespenezko neurriak" bertan behera geratzea exijitu nahi izan dute 'bakearen artisauek'. Halaber,"bake prozesua mahai gainean" jartzeko eskatu diote Frantziako Gobernuari. Zehazki, lau neurri eskatzen dizkiote: Presoak gertuko espetxeetara hurbiltzea (Mont de Marsan eta Lannemezan); larriki gaixo dauden presoak aske uztea; ohiko erregimenari lotuta baldintzak betetzen dituzten presoei baldintzapeko askatasuna aitortzea eta DPS estatusa bertan behera uztea.
Amaierako ekitaldia
14:00ak jota iritsi dira manifestariak Vauban plazara, eta bertan, Anais Funosas Bake Bidea ekimeneko ordezkariak eskerrak eman dizkie bertaratu diren guztiei, euskaraz zein frantsesez, eta "bukaeraraino" iristeko duten "borondatea" nabarmendu du.
Jean-Rene Etchegaray Euskal Elkargoko presidenteak hartu du hitza ondoren, eta Aieten bizi izan zena "bake prozesuaren hasiera" izan zela adierazi du, baina tamalgarria dela Espainiako eta Frantziako gobernuen "ixiltasuna" gaineratu du eta bakerako bidea "luzea" izango dela iragarri du. Horregatik, Frantziako Gobernuari "konpromisoa" eskatu dio, presoen baldintzak aldatu ditzan: "Euskal Herriko bake prozesuak ezin du aurrera egin Frantziako Gobernuaren konpromisorik gabe".
Fabienne Servan-Schreibe zine-produkteak ere hartu du hitza eta Frantziako nahiz Espainiako gobernuei "bakearen arriskua onar dezaten" dei egin die.
Joana Haramboure, 28 urte espetxean daramatzan Frederic Haranboure Txistorren alabak esan du larrialdiko neurriak "zigor bikoitz eta justifikaezina" direla eta sakabanaketa politika "mendekua" besterik ez dela gaineratu du: "etxean nahi ditugu eta bizirik".
Michel Tubiana Giza Eskubideen Ligako ohorezko presidenteak ere euren jarrera aldatzeko eskatu die Espainiako eta Frantziako gobernuei: "bakearen alde borrokatzea bizitza da, ez da iragana edo sufrimentua ahazte kontu bat".
Azkenik, Michel Berhocoirigoin 'artisauak' urtarrilean Bilbon egingo den manifestazioan parte hartzeko deia egin du.
Ordezkaritza politiko eta sindikala
Ipar Euskal Herriko 1.000 hautetsiren babesa izan du gaurko mobilizazioak (6 parlamentario eta 100 alkatetik gora tartean). Fronte Nazionalak izan ezik, beste alderdi politiko guztietako ordezkariek eman diote babesa manifestazioari.
Alaber, hainbat alderdiren eta sindikaturen ordezkarek hartu dute parte manifestazioan, tartean EAJ, EH Bildu, ELA ,LAB, eta Frantziako Alderdi Sozialistakoak. Benoit Hamon presidenterako hautagai ohia joan da sozialisten izenean.
Mobilizazioren aurretik komunikabideen aurreean egindako agerraldian, Txiki Muñoz ELAko idazkari nagusiak ondorenga nabarmendu du: "Asko baloratu behar da Ipar Euskal Herrian gizarte zibilak eta hautsiek lortu dutena. 1.000 hautetsi baino gehiagok eta bake artisauek lortu dute hau. Mugimendu bat sortu da eta horren asmoa da Franziako Gobernuaren agenda mugitzea, presoen eskubideak errespeta daitzen. Fronte Nazionalak izan ezik denek babestu dute hau. Hego Euskal Herrian ez dugu egoera bera. Presoen gaia ez da baldintza bat Madrilekin hitz egiteko, beste lehentasun batzuk daudelako akordioetarako. Presoen gaia baldintza moduan kokatu behar dugu Madrilgo gobernuarekin harremanetan".
Garbiñe Aranburu LABeko idazkari nagusiaren iritziz, "sekulako garrantzia dauka Ipar Euskal Herrian eragile politikoen artean lortutako adostasunka, presoen egoerari irtenbidea emateko eta baita ere gizarte zibilaren inplikazioa lortzeko. Horrek ekarri du gaurko batasuna. Mezua hori da: eragile ezberdinen arteko adostasuna, horrek ekarriko duelako Estatuei begirako presioa. Adibide bat da Hego Euskal Herrira eraman beharrekoa. EAEko eta Nafarroako legebiltzarretan adierazpen batzuk onartu dira, gaixo dauden presoen alde, baina urrats gehiago eman behar dira Madril mugiarazteko".
Josu Juaristi EH Bilduko europarlamentariak ere ildo berean hitz egin du: "Europako Batasunaren aurrean oso agerian utziko dugu gaurko argazkia. Espainiako eta Frantziako gobernuek eman beharreko urratsak oso agerian utziko ditugu. Erabat berriztatzailea da Ipar Euskal Herrian lortu duten ekimena; lortu dute konfiantza-ekintza esparru zabal bat adostea. Hori Euskal Herri osokora esportatu behar dugu".
Josune Gorospek(EAJ) Radio Euskadiko egoitzatik esan du, Frantziako eta Espainiako Gobernuak ulertu beharra daukatela espetxe politikan aldaketak egin behar direla, eta presoak gerturatu behar dituztela.
ehar dituztela.Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.