Nafarroako eta Espainiako gobernuek Ekonomia Hitzarmenaren eguneraketa sinatu dute
Gobernu zentraleko eta Nafarroako Exekutiboko ordezkariek Ekonomia Hitzarmenaren eguneraketa sinatu dute Ogasun Ministerioaren egoitzan. Horrela, Nafarroak Estatuari egin beharreko ekarpena txikiagoa izango da aurrerantzean.
Horrela, Cristobal Montoro Ogasun ministroak eta Mikel Aranburu Nafarroako Gobernuaren Hazienda eta Finantza Politikarako kontseilariak akordioa sinatu dute, Nafarroa eta Estatua Batzorde Koordinatzailearen baitan. Ekonomia Hitzarmenaren eguneraketa 2015-2019 bosturtekoan izango da indarrean.
Hilabeteak negoziatzen eman ondoren, Nafarroak Estatuari egin beharreko ekarpena urtero 510 milioi eurokoa izatea adostu dute bi administrazioek, 2015. urteko ekarpena oinarri hartuta. Honenbestez, aurreko bosturtekorako (2010-2014) adostutako baldintzen luzapenari amaiera eman diote aldeek.
Bi administrazioek sinatutako akordioak oinarrizko ekarpena 510 milioi eurotan finkatu eta 2016ko behin betiko zenbatekoa 497,7 milioi eurotan zehazten du. Gainera, 2017ko behin-behineko ekarpena aurreratzen du: 509 milioi euro. Bestalde, akordioak 2015 urtetik atzeraeraginezko ondorioak izango dituela ezartzen du hitzarmenaren legeak.
Akordioaren arabera, 145,5 milioi euro itzuliko dizkio Madrilek Nafarroari, azken bi urteetan gehiegi ordaindu duelako.
Cristobal Montoro Ogasun ministroa eta Mikel Aranburu Nafarroako Gobernuaren Hazienda eta Finantza Politikarako kontseilaria. Argazkia: EFE
Akordio "oso positiboa"
Sinaduraren ondoren, "nafarrentzako eta espainiarrentzako akordio oso positiboa da", azpimarratu du Ogasun ministroak.
Zentzu horretan, akordioak erakundeen arteko harremana normalizatzen duela goraipatu du Montorok, "batere zentzurik ez duten" gatazkak saihestuz.
Nafarroako Hazienda kontseilariaren hitzetan, akordio "pozgarria" da Foru Gobernuarentzat, tradizio "historiko" baten parte delako, "1841ean Nafarroako Ekonomi Hitzarmena finantziazio tresna bezala normalizatu zutenetik".
Ministerioaren ulermena eta jarrera ona eskertu ditu kontseilariak. Akordioak erakundeen egonkortasuna bermatzen duela nabarmendu du Aranburuk. Bosturtekoa amaitzeko, helburuak bete aldera "nolabaiteko lasaitasuna" ematen duela erantsi du.
ela erantsi du.Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.