Txominenea eta AHTaren geltokia, Donostiak 2018rako dituen erronka nagusien artean
Eneko Goia Donostiako alkateak esan du Txomineneko hiri garapena, garraio publiko elektrikoa, Euskotrenen erdiguneko pasabidea, auzoetako "hobekuntzak" eta abiadura handiko trenaren geltokia direla 2018rako "erronka" nagusietako batzuk.
Goiak Donostian emandako prentsaurreko batean azpimarratu duenez, "2017a urte ona eta emankorra izan da hiriarentzat", eta "hazten jarraitzen du". "Hiri erakargarria da, nazioartean ondo kokatua, eta erakarpen gaitasuna duena", Goiaren esanetan.
Aurtengo proiektu nagusiei erreferentzia egitean, Txomin Eneko hiri garapenaren lehenengo faseari "azken bultzada" ematea eta Martuteneko espetxea lekualdatzeko Espainiako Barne Ministerioaren “konpromisoa lortzea” aipatu ditu. Horren harira, hilaren 10ean Espetxe Idazkaritza Nagusiko ordezkariekin bilduko omen da Madrilen lekualdatze hori "zehazteko", Txominenearen bigarren fasea abiatzeko "premiazkoa" delako.
Loiolako kuartelen harira, Defentsa Ministerioaren lekualdatze proposamena "ekonomikoki" ez dela bideragarria esan du, "kostua zero izatea" delako Espainiako Gobernuaren baldintza.
Bestalde, Goiak esan du 2018 "mugarri" izango dela "Bretxako Arrandegia eraikinarentzat", eraikina merkatu, anbulatorio eta kiroldegi bihurtzeko lanetarako prestatzeko lanak hasiko baitira. Era berean, Jolastokietako lanekin jarraituko dute; Mundaiz, Onkologikoa eta Illarrako hiri egitasmoak sustatuko dituzte; San Bartolome Muinoa hirigintza prozesua amaituko da, eta lehenengo etxebizitzak martxan jarriko dituzte.
Gainera, Goiak esan du Sagues amaitzeko proiektu bat bultzatuko dutela eta Altzako kiroldegiaren eraikuntza lanek jarraitu egingo dutela. Azken horri dagokionez, "udazkenean martxan izango da" behin behineko kiroldegia Eraikuntza Institutu zaharrean.
Garraio publiko elektrikoaren alorrean, lan-hitzarmena egingo omen du Udalak Jaurlaritzarekin eta Aldundiarekin "hiriko garraio publikoa elektrikotzeko".
Turismoa
Goiak "turismo iraunkorraren aldeko" apustua berretsi du, eta horretarako, "apartamentu turistikoen fenomenoa ordenatu" nahi du arau berri baten bitartez, eta Udalari etxebizitza horiek "gehiago eta hobeto kontrolatzeko" baliabideak emanda. Gainera, Munduko Turismo Erakundearen Kontseiluak maiatzeko bilera hirian egin duela iragarri du.
Auzoak
Bestalde, alkateak gogorarazi du udal aurrekontuak Ekialdeko barrutia, Parte Zaharreko egitasmoaren neurriak, eta hiriko gainerako auzoetako "hobekuntzetarako" inbertsioak martxan jartzea aurreikusten duela.
Azken horien artean, Amarako Carlos I.a hobetzeko bigarren fasea, Morlans-Aieteko igogailua martxan jartzea, Loiola bulebarizatzea, Larratxoko eta Erregezainen kaleko igogailuak, Aieteko anbulatorio berriaren proiektuari "bultzada" ematea, Herrera eta Trintxerpe lotzeko lanak, Anoeta berritzea, Euskotrenen erdiguneko pasabidea eta AHTren geltokia egiteko lanen esleipena, "urte amaieran", aipatu ditu.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.