Ahal Duguren talde parlamentarioak Laura Perez babestu du
Ahal Dugu Nafarroaren talde parlamentarioak Laura Perez babestu du eta Podemosen zuzendaritzak haren kontra irekitako espedientea baliogabetzeko eskatu du. Era berean, lasaitasunez eta neurriz joka dezala eskatu diote alderdiari.
Laura Perez Ahal Duguko idazkari nagusi ohia alboan zutela egin dute agerraldia Carlos Couso, Ruben Velasco eta Fanny Carrillo parlamentariek. Tere Saezek ere babestu du adierazpena, agerraldian izan ez bada ere.
Nafarroako Ahal Duguk Laura Perez alderditik kanporatu zuen duela egun batzuk. Behin-behineko erabakia da. Podemosen kode etikoa urratu izana leporatzen dio zuzendaritzak eta espedientea ireki diote.
Perezek atzo iragarri zuen zuzendaritzaren kontra salaketa jarriko duela auzitegian, bere kontrako akusazioak "faltsuak" direlako. Ildo berean, dimisiorik emango ez duela eta parlamentari funtzioak betetzen jarraituko duela azpimarratu zuen.
Cousok esan du Laura Perez babesten dutela eta kargua uzteko inolako asmorik ez dutela, baina zuzendaritzak espedientea erretiratzen ez badu, dimisioa emateko aukera aztertu egin beharko dutela.
Nolanahi ere, Ahal Duguko parlamentariak konbentzituta daude zuzendaritzak zentzu jokatuko duela eta euren eskaria aintzat hartuko duela.
Alderdiaren baitan gertatzen ari denaren arriskuaz ohartarazi du Cousok; izan ere, honek guztiak Nafarroan aldaketa gauzatzeko Ahal Dugu ezinbesteko alderdia ez dela ulertzea ekar lezakeela uste du.
"Aldaketaren gobernuaren egonkortasuna ez dugu kolokan jarriko", agindu du Geroa Baik, EH Bilduk, Izquierda-Ezkerrak eta Ahal Duguk 2015ean sinatu zuten itunari aipu eginez.
Azkenaldian Ahal Dugu barne liskarrengatik albiste dela deitoratu du: "Erakundeetan egiten ari garen lan ona zabaltzea izan beharko litzateke gure ardura".
Albiste gehiago politika
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.