Altsasuko gazte auzipetuen senideek 'berme demokratikoak' eskatu dituzte
Agerraldi batean Altsasu Gurasoak eta Altsasukoak Aske herri plataformek manifestazioa deitu dute apirilaren 14rako, Iruñean, “berme demokratikoa” eskatzeko. Protesta 17:30ean Golem zinemetan hasi eta Gaztelu plazan amaituko da.
“Pairatzen ari garen zentzugabekeria salatzeko eta askatasunaren, justiziaren, giza eskubideen eta Zuzenbide Estatuaren printzipioen aldeko konpromisoa adierazteko manifestazio hau Nafarroan jendetsuenetariko eta anitzenetariko bat izango delakoaren nahia daukagu”, azaldu dute Itziar Perez eta Isabel Pozueta bozeramaileek. Biek agiri bat irakurri dute euskaraz eta gaztelaniaz.
“Jakingo duzuen bezala, Oihan, Jokin eta Adur etxetik 400 kilometro baino gehiagora daude gaur egun, 400 egun baino gehiago espetxe desberdinetan daudelarik, prebentiboki eta FIES erregimenaren barne; hau da, haien eskubideak nabarmenki ukaturik”, salatu dute.
“Jonan, Aratz, Iñaki, Julen eta Ainararen kasuan, hauek behin-behineko askatasunean daude kautelazko neurriekin, hamabostean behin epai-sailean agertu behar direlarik eta mugikortasun mugatua dutelarik”, erantsi dute
Epaiketa apirilaren 16tik 27ra izango da eta fiskalak 375 urteko espetxe-zigorra eskatu du. “Egun horietarako, Oihan, Jokin eta Adurrek urtebete eta bost hilabete beteko dituzte espetxean epaitu gabe. Printzipio demokratikoak dituen edonorentzat astakeri galanta eta onartezina, hain zuzen ere”, kritikatu dute.
80.000 atxikipen baino gehiago
Altsasu Gurasoak taldeak sustatutako manifestuak 80.000 atxikipen baino gehiago bildu dituela gogorarazi dute, “proportzionaltasuna, justizia eta ekitatea eskatuz”, maila politiko eta juridikoan jasotako babesa ere “zabala” da: 194 jurista eta unibertsitateko irakasle; 83 alkate, horien artean, Iruña, Gasteiz, Donosti eta Bilbokoak; Nafarroako Gobernua eta Parlamentua; Madrileko 88 diputatu eta senatari, 8 alderdi politikoren ordezkari direnak, eta Bruselako 52 europarlamentari.
“Imajinaezina den egoera honetan, bermerik gabeko epaiketa baten aurrean gaude. Prozesu honetan hainbat oinarrizko eskubide urratu dira, hala nola, errugabetasunaren presuntzioa, epaile natural eta inpartzialaren eskubidea, defentsarako eskubidea…”, azpimarratu dute.
Bestalde, “ez dago bakarrik gure lagun eta seme-alaben etorkizuna jokoan; gizarte demokratiko baten printzipioak daude jokoan, Zuzenbide Estatu bat dago jokoan”, gogorarazi dute.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.