155a indarrean dagoela ez dituela Estatuko aurrekontuak onartuko berretsi du EAJk
PPk hilabeteak daramatza EAJri keinuak egiten 2018ko Espainiako Aurrekontu Orokorrak onartzen lagun diezaion. Asteartean Ministro Kontseiluak proiektua onartuko du baina ez da aurrera aterako bost diputatu jeltzaleek babesik ematen ez badiote. Atzo, EAJk berretsi zuen ez dituela aurrekontu horiek babestuko 155a martxan den bitartean eta buruzagi kataluniarrak preso.
EAJren babesa nahitaezkoa da Mariano Rajoyren Gobernuaren aurrekontuek Kongresuan gainditu beharreko lehen tramitea pasa dezaten: osoko emendakinen eztabaida, alegia. EAJk emendakinen kontra bozkatuko balu (iaz bezala), onartze-prozesuan aurrera egingo lukete aurrekontuek.
Talde parlamentarioak, baina, oso argi utzi du ez direla inolako negoziaketetan murgilduko Gobernuarekin, Katalunian indarrean duen 155. artikulua bertan behera uzten ez duen bitartean.
Espainiako Gobernua jakitun da babesak bermatuta izan gabe aurkeztuk dituela aurrekontuak, baina 2019ko ekainean kaleratuko den gastu-sapaiarekin bat egin ez dezaten, aurrekontuak aurkezteko "mugan" dagoelako egiten omen du orain.
2017an onartu egin zituzten aurrekontuak
EAJko iturriek jakitera eman dute iaz 2017ko aurrekontuak onartu zituztenean zegoen testuingurua "oso bestelakoa" zela, eta orduan negoziaketak Ministro Kontseiluak kontuak onartu aurretik hasi zirela. Aldiz, aurten oraindik ez direla hizketan hasi ere egin nabarmendu dute.
Iaz zazpi talde parlamentariok aurkeztutako osoko emendakinei ezezkoa ematea, negoziaketaren azken orduan "desblokeo" bat egon zelako izan zela azaldu dute, zuzenean Mariano Rajoyk parte hartu zuela, eta ez zela negoziaketa politikoa izan.
Gogoan izan behar da iaz PSOEk, Unidos Podemos-En Comu Podem-En Mareak, ERCk, PDeCATrk, Compromisek, EH Bilduk eta Nueva Canariasek jarritako emendakinen aurrean ezezkoa bozkatu zutela PPk, Ciudadanosek, EAJk, CCk, UPNk eta Foro Asturiasek, eta berdinketa eragin zuela horrek 175 bototara, aurrekontuei argi berdea emanez.
Bestalde, aurrekontuen tramitazioa erabat bermatuta du Gobernuak Ciudadanosekin. Alderdi naranjak Pilar Barreiro diputatu popularra "kentzea" eskatzen zuen (Punikagatik ikertzen ari dira) baiezkoa emateko, eta atzo Barreirok PP utzi eta Senatuko talde mistora pasatuko zela iragarri zuen "alderdiari kalterik ez egiteko".
Montoro baikorra da EAJren balizko babesarekin eta "akordioak egiten jarraitzeko aukera" izango dela esan du.
Apirilaren 3an,beraz, Kongresuko Mahaia aurrekontuak onartu eta tramitazio egutegia zehazteko bilduko da.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.