Ortuzar: 'Oraindik posible da Estatuko Aurrekontuak aurrera ateratzea'
Andoni Ortuzar EAJren EBBKo presidenteak azaldu duenez, oraindik posible da 2018ko Estatuko Aurrekontu Orokorrak negoziatzea, beti ere, Kataluniako egoera aldatzen bada. "Epaiketa, epai eta atxiloketa gutxiago egon behar dira, politikoki lana egin eta egoera bideratzeko", azpimarratu du. EAJk Cifuentesen alderdiarekin negoziatuko ote lukeen galdetuta, Cifuentesena txapuza ikaragarria dela erantzun du, "baina negoziatuz gero Euskadirentzat onak liratekeen Aurrekontuez ari gara hizketan". Haren esanetan, "boto emaileak eta dira Cifuentes eta PP bere tokian jarri behar dutenak". Bestalde, aurrekontu proiektuari dagokionez esan du Euskadira bideratutako inbertsioak % 32 handitzea aurreikusten duela. "Ez da opari bat, programatutako inbertsioak dira", gaineratu du.
Baionan pasa den igandean jarri zuten eta polemika eragin duen "Arbolaren Egia" eskulturari buruz ere mintzatu da buruzagi jeltzalea. Haren iritziz, indarkeria, memoria edo iraganaren irudikapenari buruzko "beste errealitate bat dago Hegoaldean, beste modu batera bizi izan delako". Hori dela eta, "zuhurrak eta arduratsuak" izateko deia egin du. Euskal Autonomia Erkidegoari (EAE) begira jarrita kezkatuta agertu da baldin eta elkarbizitza "oinarri sendo eta justuen gainean" berreraikitzeko akordiorik ez balego. Ortuzaren iritziz, beharrezkoa da prozesu horretara joan aurretik alderdi guztiek autokritika egitea, Arnaldo Otegi EH Bilduko koordinatzaileari zeharkako aipamena eginez. Otegik umiltasuna eskatu zion duela gutxi Ortuzarri, eta buruzagi jeltzaleak "beti besteei begira egotea" leporatu dio, bere esanetan, oraindik bere inguruak egiteko asko duenean. Horrez gain, Iparraldera askotan joatea aurpegiratu dio eta Iparraldean gertatutakoa Hegoaldean ez dela gertatuko esan dio. "Planteamenduak eta ondorioak ezberdinak dira, politikak beste eragile batzuk ditu hemen eta gizon horrek eta bere alderdiak onartu behar dute euskal gizartearen gehiengoa Hegoaldean dagoela", gaineratu du.
Bestalde, Espainiako hurrengo hauteskundeei begira jarri da, eta Ciudadanos alderdia nagusituz gero Espainiarentzat eta Euskadirentzat "hondamendia" litzatekeela azaldu du.
Jatorrizko informazioa Euskadi Irratiak landu eta eitb.eus-ek itzuli du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.