Alderdi politikoen erreakzioak, ETAren azken deklarazioaren aurrean
ETAren azken deklarazioak erreakzio soka luzea eragin du alderdi politikoen artean.
EAJ
Aitor Esteban EAJk Espainiako Diputatuen Kongresuan duen bozeramaileak adierazi duenez, ETAren azken agiria "eragindako mina aitortzeko euskal gizarteak egindako eskariari erantzuteko saiakera" izan da. Hala ere, eragindako mina "bidegabea" izan denaren ideian ez sakontzea eta biktimen arteko kategorizazioa egitea aurpegiratu dio ETAri.
Hori dela eta, disoluzioa iragarri bitartean ETAk gai horietan sakontzea espero du EAJk. Halaber, ETA "iraganari amaiera ematen" ari zaion honetan, "guztion artean etorkizuna zehazten hastea" eskatu die eragile politikoei.
Buruzagi jeltzalearen esanetan, eragindako mina aitortzea "beharrezkoa zen", gaineratu du.
EH BILDU
Arnaldo Otegi EH Bilduko koordinatzaile nagusiaren esanetan, "aurrekaririk gabeko gertakari historiko baten aurrean gaude". Azaldu duenez, komunikatu "eraikitzailea" izateaz gain, bakea, elkarbizitza eta adiskidetzea lortzeko "oinarrizko ekarpena" da, "autokritika terminoetan giza balorazioa eta politikoa" eskaintzen dituena.
"Horrela baloratzen du mahai politiko honek, horrela partekatzen du euskal gizartearen gehiengoarekin eta ziur gaude horrela egiten dutela Estatu espainiarreko eta nazioarteko komunitateko herritar askok ere", gaineratu du.
Halaber, eragindako mina aitortu izana ekarpen "ezin baliotsuagoa" dela uste du beste era bateko etorkizun bat eraikitzeko. "Aitortza horrek denoi eragiten digu, denok izan gaitezen gai gure erantzukizunak onartzeko", azpimarratu du.
ELKARREKIN PODEMOS
ETAren agiriaren harira, Lander Martinez Podemos Euskadiko idazkari nagusiak ere iritzia eman du eta "hierarkiarik edo biktima gradurik" ez dagoela esan dio ETAri, "ez baitago hilketa edo eragindako mina justifikatu dezakeen ezer".
Elkarrekin Podemoseko legebiltzarkide ere badenak Eusko Legebiltzarrean bertan egin du agerraldia, Elkarrekin Podemos taldearen (Equo, Podemos Euskadi eta Ezker Anitza) eta Nafarroako "erakunde senideen" izenean.
Lander Martinezek ETAren agiriaren zenbait puntu positiboki baloratu ditu, zuhurtasunez, hurrengo pausoak zeintzuk izango diren ez dakiela argudiatuta. "Hainbeste urtez minarekin eta beldurrarekin bizitzen egon ostean positiboa da beste garai batean pentsaezinak ziren pausoak ematea".
PSE-EE
Jose Antonio Pastor PSE-EEk Eusko Legebiltzarrean duen bozeramailearen esanetan, "positiboa" da ETAk bere jardunean eragindako mina aitortzea. Hala ere, "onartezinak" diren argumentuekin min hori "justifikatzen saiatzea" aurpegiratu dio ETAri.
Eusko Legebiltzarrean egindako adierazpenean, ETAk eragindako mina aitortu izana baloratu du, "aurrez inoiz hori egin gabea zelako".
ose Antonio Pastor PSEko legebiltzarkidea bat etorri da Anduezarekin, eta albistea "positiboa" dela adierazi du. Aldiz, "onartezin" jo du ETA bere jarduna "justifikatzen saiatzea", "gatazka baten existentzian oinarrituta".
Haren iritziz, ETAk emandako pausoa "garrantzitsua" da. Dena den, terrorismoarentzat justifikaziorik ez dagoela ohartarazi du.
PP
Alfonso Alonso Euskadiko PPko presidentearen aburuz, ETAren deklarazioa "terrorismoaren biktimentzako umiliagarria da" biktima "errugabeak" eta "errudunak" bereizten dituelako.
Legebiltzarrean egindako adierazpenean esan duenez, komunikatua "ez da zintzoa", aitzitik, "oso kalkulatua" eta "zinismoz betea da". Haren hitzetan, gatazkan parte-hartzea zuten horien guztien hilketak "justifikatu" ditu ETAk.
Amaitzeko, "umiliazioaren" eta "justifikazioaren" agiria dela azpimarratu du Alonsok.
Sortu
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.