Compainsek torturagatik salatu zituen lau guardia zibilak deklaratzen ari dira
Gaur 09:30etik aurrera ari dira deklaratzen Iruñeko Auzitegian Eneko Compains torturatzea egotzita salatu zituzten lau guardia zibilak, baina "aurrekari historikoak ikusita zigortuak izateko ia itxaropenik ez duela" esan du Compainsek.
Compainsen salaketa artxibatu egin zuten lehenbizi, baina ikerketa berriro zabaltzeko agindu zuen gero Auzitegi Konstituzionalak. Saioa hasi baino lehentxeago, 09:15ean, protesta egin dute Auzitegiaren aurrean, torturen gaineko zigorgabetasuna salatzeko.
Bertan adierazi duenez, "mila tortura auzi izan dira gure herrian eta zigorrak eskuko atzamarrekin zenbatu daitezke, eta zigorrak jarri diren kasu gehienetan, barkatu egin zaie zigorra".
Hala ere, euskal gizartean "konfiantza" duela esan du, baita "Euskal Herriko erakundeek egin dezaketenaren gainean" ere.
Hori dela eta, "alderdi politiko garrantzitsuei dei egin die torturetan izandako erantzukizuna onartzeko", eta "independentismoari aurka egiteko tortura babesteko eta zabaltzeko Estatu estrategiaren arduradunak izatea" egotzi die PPri eta PSOEri, eta, "neurri txikiagoan, baita EAJri ere, Ertzaintzako arduradun zuzena delako", esan du. Horren hitzetan, "300 tortura auzi baino gehiagoren erantzule" dira ertzainak.
Bestalde, 1960 eta 2014 artean izandako torturen eta tratu txarren eraginaren inguruko txostenarekin "lan egiteko" eskatu die alderdi politikoei. Eusko Jaurlaritzak 2017an aurkeztu zuen txosten hori. Horren harira, Nafarroan torturak jasandakoei aitorpen publikoa emateko eskatu dio Foru Gobernuari.
Eneko Compains 2010ean atxilotu zuten, Ekineko kide izatea egotzita. Lau egunez egon zen inkomunikatuta, eta torturak salatu zituen.
Iruñeko Auzitegiak artxibatu egin zuen kasua. Auzitegi Konstituzionalera jo zuen orduan Compainsek, salaketa behar bezala ikertu ez zutelakoan, eta arrazoia eman zioten iaz. Hain zuzen, Europako Giza Eskubideen Auzitegia estu hartzen ari zen orduan Espainiako Justizia, tortura salaketak ez ikertzeagatik.
Iruñeko Auzitegiak ikerketa abiarazi behar izan zuen azkenean, eta testuinguru horretan deklaratzen ari dira gaur lau guardia zibilak.
Sandra Barrenetxearen tortura salaketa da orain arte auzitara iritsi den bakarra. Compainsen sarekada berean atxilotu zuten Barrenetxea, baina akusatuen aulkian eseri zituen lau guardia zibilak absolbitu egin zituzten. Aurrekariok kontuan hartuta, "Justizian ez dut itxaropen handirik", aitortu du Compainsek.
Compainsen kasuan goizegi da epaiketa izango ote den jakiteko. Gaurko saioa urrats bat gehiago da ikerketa prozesuaren barruan.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.