Arnagako Adierazpenak ETAren amaiera aldarrikatu eta adiskidetzeko deia egin du
Arnagako Adierazpenaren irakurketarekin amaitu da gaur goizean Kanboko Arnaga etxean egindako ETAren amaiera ekitaldia. 'Euskal Herriko etorkizun berriaren ordezkari bezala', Irati Agorria Cuevas gazte gernikarrak irakurri du euskaraz agiria. Michel Camdessus FMIko zuzendari ohiak irakurri du frantsesez; Jonathan Powell politikari irlandarrak ingelesez; eta Cuauhtemoc Cardenasek gaztelaniaz.
Orain dela zazpi urte, 2011n, "Europako azken gatazka politiko armatua gainditzeko aukera erreal bat zegoela sinetsita" joan zirela Donostiara azpimarratuz hasi du agerraldia. Orduan, "alde orori bide baketsu eta demokratikoa egiteko deia egin ziela" nabarmendu du gazte gernikarrak, "bake justu eta iraunkorra lortzeko".
Bide horretan, ETAk ekinbide armatua behin-betiko uzteko erabakiarekin erantzun zuela argitu du, eta iaz, 2017ko apirilean, antolakuntzaren armagabetzearekin. Orain, 2018ko maiatzaren 3an, "erakunde armatu izateari utzi dio", gaineratu du.
Zazpi urte horietan euskal gizarteak eta hainbat erakundek aurrerapauso esanguratsuak eman dituztela onartu arren, egindako beste dei batzuek ez dutela erantzunik izan adierazi du. Esate baterako, Adierazpenaren esanetan, "ETA eta Espainiako gobernuaren artean ez da elkarrizketarik egon", Aieten hala aholkatu zen arren.
Konpondu gabeko gaiak
Ondoren, gaur egun konpondu gabe jarraitzen duten hainbat gai aipatu ditu oharrean: presoen eta ihes egindako pertsonen auzia, besteak beste. Halaber, "berradiskidetze prozesua egiteko" dagoela gaineratu du, eta "guztion ahalegina" beharrezkoa izango dela, "zauriak sakonak baitira". Zentzu horretan, "bakea eraikitzeko aktore guztien arteko elkarrizketa politikoa" funtsezkotzat jo du Arnagako Adierazpenak.
Ospakizun eguna
"Gaurkoa egun ona da Euskal Herriarentzat, Espainiarentzat, Frantziarentzat eta Europa osoarentzat" esanez amaitu du Irati Arrigorriaga gernikarrak oharraren irakurketa: "Ziur gaude guztion ahaleginarekin konponbide oso, justu eta iraunkorra lortuko dela".
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.