Durangoko eta Bilboko ustezko bi jihadistak espetxeratu dituzte
Asteartean, Abadiñon (Bizkaia) eta Lorcan (Murtzia), atxilotutako ustezko bi jihadistak espetxera bidali ditu gaur Carmen Lamela epaileak, terrorismo islamista goratzea, doktrinamendua, autodoktrinamendua eta atzematea leporatuta, Europan erasoak egitera animatzeagatik.
Iturri juridikoek jakitera eman dutenez, Auzitegi Nazionaleko epaileak badaezpadako espetxea ezarri die delitu horiengatik, Fiskaltzak eskatuta, goizean biak galdekatu ondoren.
Espainiako Poliziak eta Marokoko agintariek operazio bateratua abiatu zuten asteartean. Beste hiru pertsona atxilotu zituzten Castillejosen (Maroko), Ceutatik gertu.
Errekrutatze eta doktrinamendu egitura
Bost atxilotuek Estatu Islamikoaren errekrutatze eta doktrinamendu egitura osatzen zutela uste dute ikertzaileek, Europan erasoak egitera animatzeko.
Honenbestez, Daeshen propaganda egiturako kideak ziren. Europan atentatuak egitera bultzatzeaz gain, bideoak zabaltzen zituzten, arma zurien erabileran eta burua mozteko tekniketan trebatzeko.
Barne Ministerioaren arabera, Lorcako atxilotua, Bilboko bizilaguna, 21 urteko senegaldar bat da. Ministerioaren hitzetan, oso erradikala da eta ikertzaileek mehatxu bat zela uste zuten, biztanleria zibilaren aukako erasoak egiteko borondate argia azaldu zuelako.
Gazte horren profil biolentoa nabarmendu dute ikertzaileek. Adingabea zenean poliziei eraso egiteagatik zigortu zuten, eta Zumarragako (Gipuzkoa) adingabeen zentroan egon zen.
Orduan jadanik erradikaltasun erlijiosoa nabaria zen, janzkeran zein Koranaren defentsan. Fanatismoak bikotekideari tratu txarrak ematera eraman zuen. Horrela, neska errumaniarra xarian edo lege islamikoan doktrinatzen saiatu zen.
Emakumea gogor jipoitu zuen eta indarkeria matxistagatik zigortu zuten, ikerketako iturriek jakinarazi dutenez.
Bizkaian atxilotutako pertsonak 33 urte ditu, eta Durangon bizi zen, nahiz eta marokoarra izan. Era berean, Daeshen propaganda zabaltzeko helburua zuen, erakartzeko, doktrinatzeko eta kide berriak errekrutatzeko.
Gainera, Siriako eta Irakeko jihadistekin ustez harremanetan zeuden, eta bien artean ere online harreman etengabea zuten.
Zure interesekoa izan daiteke
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.