Katalunian 155. artikuluari eustea erabaki dute PPk, PSOEk eta Ciudadanosek
Alderdi Popularra, Alderdi Sozialista eta Ciudadanos ados daude Katalunian 155. artikuluari eustearekin, Quim Torra Generalitateko presidentearen Gobernu berriaren "bideragarritasunaren" inguruan erabaki bat hartu bitartean.
Espetxean edo erbestean dauden lau kontseilari izendatu ditu Torrak: Jordi Turull (Presidentetza) eta Josep Rull (Lurraldea) behin-behineko espetxealdian daudee, eta Toni Comin (Osasuna) nahiz Lluis Puig Belgikan, eta hori ikusita, Mariano Rajoyk telefonoz hitz egin zuen atzo Sanchezekin eta Riverarekin, Quim Torraren Gobernu berriaren "bideragarritasuna" aztertu bitartean 155. artikulua mantentzeko.
155. artikuluak indarrean jarraitu bitartean, Moncloak kudeatzen du Katalunia eta Mariano Rajoyk kontseilari berrien izendapenak Kataluniako Buletin Ofizialean ez argitaratzea erabakitzen badu, kontseilariek ezingo dute euren kargua hartu, Kataluniako Gobernu berria ez da legezkoa izango, eta Generalitatearen kontrolak Espainiako Gobernuaren esku jarraituko du.
Larunbat honetan, Gobernu berria ezagutu eta gero, Espainiako Gobernuak "probokazio"tzat jo zituen kontseilarien izendapenak . Gainera, Kataluniako Gobernu berri horren "bideragarritasuna" aztertuko zuela iragarri zuen. Mariano Rajoyren Gobernuaren iritzian, Torrak eskutitz baten bidez helarazitako "eztabaidarako borondatea zazpuzten du, izendapen horiek erakusten baitute borondate hori ez zela zintzoa".
Espainiako Gobernuak gutuna bidali dio kataluniarrari, Gobernu berriaren osaketa edo egitura onartzen duela eta argitaratuko duela jakinaraziz, baina ez ordea, izendapenak. Argitaratu edo ez erabakitzeko, azterketa egiten ari direla jakinarazten die.
Prebarikazioa
Jordi Turull eta Josep Rull kontseilari berriek txio bana kaleratu dute Twitter sarean eta Espainiako Gobernuak euren izendapena Kataluniako Buletin Ofizialean argitaratzea ez badu baimentzen, "prebarikazioa" egiten arituko dela ohartarazi dute.
Eskubide politikoak "indarrean" dituztela defendatu dute: "Noiztik matxinada delitu bidegabeagatik jarritako behin-behineko espetxealdia da zigor irmoa? Zer da lotsagarrikeria hau? Kontseilari gisa aritu nahi dugu askatasunean" idatzi du Rullek.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.