Bi tren linearen eskumena eskualdatzeko tramiteak hasi ditu Espainiako Gobernuak
Josu Erkoreka Eusko Jaurlaritzako bozeramaileak astearte honetan jakinarazi duenez, Renfeko bi tren linearen kudeaketa Euskal Autonomia Erkidegoari (EAE) eskualdatzearen aldeko erantzuna eman du Espainiako Gobernuak. Zehazki, Alonsotegi-Barakaldo eta Bilbo-Basauri lineak dira. Auzitegi Konstituzionalak 2016an emandako ebazpenaren arabera, horien eskumena Euskadiri dagokio.
Gobernu bileraren osteko prentsaurrekoan Erkorekak azaldu duenez, Espainiako Gobernuak bi tren linea horiek Adifen katalogotik aterako ditu eta, gerora, egungo legedia aldatuko du, eskumena Euskadira eskualdatu bitartean linea horien kudeaketa bi Gobernuen artean egiteko.
Halaber, Espainiako Gobernuak Transferentzia Batzorde Mistoaren bilera egiteko konpromisoa hartu du "bi tren linea horiei lotutako zerbitzuak eta funtzioak Euskadira eskualdatzeko".
Erkorekaren esanetan, Espainiako Gobernuak maiatzaren 23an, 18:23an, bidali zion jakinarazpena Eusko Jaurlaritzari, EAJren babesari esker Diputatuen Kongresuak 2018ko Estatuko Aurrekontuak onartu zituen egun berean.
Eusko Jaurlaritzak hamaika tren linearen kudeaketa erreklamatzen dio Espainiako Gobernuari, Gernikako estatutuan jasotakoaren arabera. Gainerako bederatzi tren lineak hauek dira: 100 Irun-Brinkola, 700 Bilbo/Urduña, 720 Bilbo/Abando-Santurtzi, 722 Desertu/Barakaldo-Muskiz, 780 Bilbo/La Concordia-Irauregi, 790 Bilbo-Balmaseda eta merkantzien garraioari lotutako 724 Bilbo-Santurtzi, 201 Pasaiako Portua eta 481 Bilboko Portua.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.