Alderdi politikoen erreakzioak, Altsasuko atxiloketen aurrean
Altsasuko azken atxiloketek erreakzio soka luzea eragin dute alderdi politikoen artean. Guardia Zibila Altsasura joan da Iñaki Abad, Aratz Urrizola, Julen Goikoetxea eta Jon Ander Cob atxilotzera. Ainara Urkijo, ostera, ez dute atxilotu.
Joan den astean, Auzitegi Nazionaleko Zigor Arloko 1. Sekzioak Oihan Arnanzi eta Iñaki Abadi 13 urteko kartzela zigorra jarri zien, Jokin Unamunori eta Adur Ramirez de Aldari 12na urtekoa, Jon Ander Cob, Julen Goikoetxea eta Aratz Urrizola gazteei 9na urtekoa, eta Ainara Urkijori, bi urtekoa. Oihan Arnanz, Jokin Unamuno eta Adur Ramirez de Alda behin-behineko espetxealdian daude 2016ko azaroaren 14az geroztik.
Arnaldo Otegi EH Bilduko koordinatzaile nagusiak "Estatuko aparatu guztiak" Euskal Herritik botatzeko deia egin du Altsasuko atxiloketen berri izan ostean.
"Neofrankistak Espainiako gobernutik ateratzea ez da nahikoa Estatu aparatu guztiak gure herritik bota behar dira. Besarkada bat atxilotuei eta familiei. Zertarako gai garen erakutsiko diegu berriro igandean", adierazi du Twitter sare sozialean argitaratuko mezuan.
Unai Hualde Geroa Baiko parlamentariak, ostera, Altsasuko atxiloketak lotsagarritzat jo ditu.
Twitter sare sozialean adierazi duenez, "Altsasu injustiziaren eta proportzio faltaren agertoki izan da gaur beste behin, beharrezkoa ez zen polizia operazio propagandistiko batekin".
Eduardo Santos Nafarroako Ahal Duguk idazkari nagusiaren esanetan, berriz, gaur atxilotutako lau gazteentzat behin-behineko espetxealdia agintzen badute justiziaren salbuespenezko aplikazioaren beste desproportzio bat izango da.
Horrez gain, Altsasuko gazteei Rosalia Iglesiasi (Luis Barcenasen emaztea) aplikatutako doktrina aplikatzea eskatu du.
Albiste gehiago politika
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Itunerako zuzenketak aurkeztuko ditu EH Bilduk, "Osakidetza publiko eta indartsua" egitearen alde
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".