Sanchezen ministroak karguaz jabetu dira
Botere aldaketa Espainiako Gobernuan. Pedro Sanchezen Exekutiboa osatzen duten 17 ministroek, 11 emakumek eta sei gizonek, kargua hitzeman dute, eta ondoren, Sailaren jabe egin dira ostegun honetan.
Promes egiteko ekitaldia Ekitaldia Zarzuela jauregian, Felipe VI. erregearen aurrean, eta sinbolo erlijiosorik gabe —horren aldeko hautua egin zuen Sanchezek berak presidente kargua hitzematean—.
Kargudun gehienek "emakumez eta gizonez osatutako ministro kontseilua' aipatu dute, Sanchezek bere Exekutiboari eman nahi dion berdintasun kutsu horren adierazle. Kargua agintzeko formula berrikuntza hori sartzen lehena Carmen Calvo Presidentetza, Gorteekiko Harreman eta Berdintasun ministroa izan da.
Lekuko izan dira, besteak beste, Kongresuko, Senatuko, Auzitegi Konstituzionaleko eta Goreneko presidenteak.
Dolores Delgado Justizia ministroa izan da kargua promesten lehena.
Kargua agindu ostean, horren jabe egin dira ministroak, bakoitza bere Ministerioan.
Calvo: "Berdintasun handia eraikitzeko lan egingo dugu'
Carmen Calvo Espainiako presidenteorde eta Presidentetza, Gorteekiko Harreman eta Berdintasun ministroak nabarmendu duenez, bere buruaren "epaile zorrotza" izango da hartu duen ardurak eskatzen duen "mailan egoteko".
Soraya Saenz de Santamariaren eskutik jaso du zorroa. Calvok hitz politak izan ditu PPko buruzagiarentzat, eta gogorarazi du berarekin lan egin zuela "hainbat gai delikatutan" —Konstituzioaren 155. artikulua negoziatu zuten—. "Estimu pertsonal zein intelektual handia diot", erantsi du.
Emakumeen eta gizonen arteko ezberdintasunak amaitzeko eta "berdintasun handia eraikitzeko" asmoz, "zorroztasunez eta pasioz" lan egingo duela agindu du.
Calvo, karguaren promesa egiten. Argazkia: EFE
Handik gutxira, Juan Ignacio Zoidoren eskutik hartu du kargua Fernando Grande-Marlaska epaile bilbotarrak. Horren hitzetan, "luxua da Estatu Ministerio bat zuzentzea", baita Espainiako Polizia, Guardia Zibila eta beste sail batzuen (Trafikoa, Larrialdiak eta Espetxe Agintzaritza, besteak beste) ardura izatea.
Kargu hartzean honakoak izan ditu lagun epaileak: Alfredo Perez Rubalcaba Barne ministro ohi sozialista, Pablo Ruz Auzitegi Nazionaleko epaile izandakoa, Alfonso Guevara Auzitegi Nazionaleko presidentea eta Espainiako Poliziaren eta Guardia Zibilaren goi-arduradunak.
Egindako hitzaldi laburrean, Grande-Marlaskak esan du Barne Ministerioa "denek" osatzen dutela "Konstituzioak eskatzen duenagatik" lan egin behar dela, hots, "Zuzenbide Estatu bat osatzeko, gure eskubide eta askatasunak garatu ahal izateko esparrua eratzea".
Grande-Marlaska, ekitaldian. Argazkia: EFE
"Elkarrizketa behar dugu"
Ordu erdi geroago hartu du kargua Isabel Celaa Hezkuntza eta Lanbide Heziketa ministroak. Iñigo Mendez de Vigok eman dio zorroa bilbotarrari. Agerraldian "elkarrizketa" aldarrikatu du, "hezkuntza ideologiez harago" doalako, erantsi du.
"Begirada ezberdinak ditugu, baina norabide berean zuzentzeko ahalegina egin behar dugu. Elkarrizketa behar dugu, hezkuntza aldaketaren ardatza da, aldaketa ororen ardatza, pertsonala zein soziala", adierazi du.
Celaak hezkuntza "inklusibo" eta hizkuntza koofizialekiko "errespetuzkoa" defendatu du, "Espainiako aniztasunaren seinale".
"Herritarrek akordioa eskatzen digu, hezkuntza ideologiez harago baitoa", esan du senitartekoen, Patxi Lopez lehendakariaren eta Idoia Mendia euskal sozialisten idazkari nagusiaren aurrean.
Hezkuntza ministro berria. Argazkia: EFE
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.