Isabel Celaa, Hezkuntza ministro berria
Isabel Celaa (Bilbo, 1949) Patxi Lopez lehendakari izan zen garaian Eusko Jaurlaritzako Hezkuntza sailburua izandakoa izango da Pedro Sanchezen Gobernuko Hezkuntza ministroa, presidente espainiarraren inguruko iturriek EFEri baieztatu diotenez.
Celaa Pedro Sanchezen gertukoetako kidea da, eta PSOEren Bermeen Batzordeko presidentea da gaur egun.
Celaa Filosofian, Filologia Ingelesean eta Zuzenbidean lizentziaduna da, baita Hezkuntza eta Literatura Ingelesean katedraduna ere. Irlandako kulturarekin ere loturak ditu, Belfasten eta Dublinen bizi izan delako.
1998 eta 2016 bitartean legebiltzarkidea izan da hainbatetan, Jose Ramon Recalde sozialistaren taldearen buru izan zen Hezkuntza, Unibertsitate eta Ikerketa Sailean, 1991ean.
Ondoren, Fernando Buesaren garaian Hezkuntza sailburuordea izan zen, EAJ eta PSE-EEren koalizio-gobernuan, 1991-1995 bitartean. Hurrengo hiru urteetan, 1998ra arte, Ramon Jauregiren kabinetea gidatu zuen Justizia, Ekonomia, Lana eta Gizarte Segurantzan.
Hezkuntza, Unibertsitate eta Ikerketa sailburua izan zen Lopez lehendakari izan zen garaian, 2009ko maiatza eta 2012ko urria bitartean.
Celaa PSOEren Etika eta Bermeen Batzordeko presidente hautatu zuten 2014ean Pedro Sanchez idazkari nagusi egin zuen Batzar Federalean, eta karguan mantendu zuten alderdikideek iazko ekainean egin zuten Batzarrean.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.