Espainiako Gobernuak Kataluniako kontuak kontrolatzeari utziko dio
Pedro Sanchezen Gobernu berriak Kataluniako kontuak ikuskatzeari uzteko erabakia hartu du gaur. Isabel Celaa Espainiako Gobernuaren bozeramaile berriaren hitzetan, "normalizazio politikorako keinu gisa" hartu dute erabakia ostiral honetan egin duen lehen ministro bileran. "Ongi funtzionatuko duela uste dugu", erantsi du.
2017ko irailean hasi zen Espainiako Ogasun Ministerioa Kataluniako kontu publikoak kontrolatzen, eta urrian Mariano Rajoyren Gobernuak Generalitateko agintariak kargugabetu eta Kataluniako administrazio publikoaren kontrola bere gain hartu zuen, urriaren 1eko erreferenduma egin eta independentzia aldarrikatzeagatik.
Joan den ekainaren 2an Quim Torrak Generalitateko presidente kargua hartu zuenean, Espainiako Gobernuak 155. artikulua indargabetu zuen. Alabaina, Alderdi Popularraren exekutiboak Kataluniako kontu publikoak kontrolatzen jarraitu zuen.
Gaur, Pedro Sanchezen Gobernu berriak esku hartze hori amaitutzat eman du eta hala jakinarazi die bankuei. Horrenbestez, aurrerantzean Espainiako Ogasun Ministerioak ez ditu Generalitatearen kontuak ikuskatuko.
Sanchez eta Torra "laster" bilduko dira
Bestalde, arratsalde honetan jakin da Pedro Sanchezek eta Quim Torrak telefonoz hitz egin dutela. "Laster" biltzekotan gelditu dira biak.
Ordu batzuk lehenago, Isabel Celaa Espainiako Gobernuko bozeramaile berriak iragarri du Pedro Sanchezek autonomia erkidegoetako presidente guztiekin bilerak egingo dituela, baita Quim Torra Generalitateko presidentearekin ere.
"Harreman instituzionalak normalizatzeko helburua du Gobernuak; hori dela eta, izotza apurtzen joan behar gara", esan du Celaak sozialistek ostiral honetan egin duten lehen Ministroen Kontseilu osteko prentsaurrekoan.
"Jakina da erkidegoetako presidente guztiekin bilduko dela Sanchez, baita Torrarekin ere", adierazi du.
Celaak ziurtatu duenez, Pedro Sanchez "esku batean Konstituzioa eta bestean elkarrizketa" duela joango da Quim Torra Generalitateko presidentearekin oraindik zehaztu gabeko egun batean egiteko duen bilerara.
Gobernu bozeramaileak azaldu duenez, gaurko Ministroen Kontseiluan ez dute aldebiko bilera horretan jorratu daitezkeen gaien inguruan hitz egin, baina lehentasuna duena Kataluniako egoera "normalizatzea" dela esan du.
Bilera horren edukiak argitu ez baditu ere, Isabel Celaak azpimarratu duenez autodeterminazio eskubidea edo Kataluniaren erabakitzeko eskubidea ez dira bilera horretan jorratuko.
Urkullu eta Barkosekin ere hitz egin du
Pedro Sanchez Espainiako Gobernuko presidenteak Iñigo Urkullu lehendakariari ere adeitasun-dei bat egin dio. Hizketaldi motzean, ez dute Urkulluk Sanchezi bidali zion mezuari buruz hitz egin; hau da, elkarrizketa-bide bat eskatu zion, besteak beste, Estatutua osorik betetzeko gaiei aurre egiteko.
Deia ostiral honetan, 19:00etan, izan da, eta "arreta gehiagorekin" aurrez aurreko bilera bat egiteko geratu dira, datarik jarri ez arren, Eusko Jaurlaritzatik jakinarazi dutenez.
Sanchezek Uxue Barkos Nafarroako presidentearekin ere hitz egin du; aurrerago hizketaldi bat izatekotan geratu dira, baina ez dute egun zehatzik jarri. Barkosek Aurrekontuen Egonkortasun Legea indargabetzeko eskatu dio, eta, horrekin batera, Abiadura Handiko Trena (AHT) eta enplegua ere jarri dizkio mahai gainean.
Borrellen jarrera Kataluniarekiko
Atzerri Gaietarako ministro berriak Kataluniarekiko izango duen harremanaz galdetuta Celaak erantzun duenez, Josep Borrell "Kataluniako politika orientatzen jarraitzeko itsasargi ona da".
Bestalde, Meritxell Batet Lurralde administraziorako ministro berriak datorren astean Kataluniako auziari buruzko agerraldi bat egingo duela iragarri du Gobernu bozeramaileak.
Celaak nabarmendu duenez, Kataluniako auzia gai "transbertsala" da eta Gobernuko presidenteari dagokio gai horretan "lidergoa" hartzea.
Espetxean dauden buruzagi kataluniarrak gerturatzeko aukeraz galdetuta, Celaak erantzun du behin-behineko espetxealdian daudela eta instrukzio epaileari dagokiola horien egoerari buruzko erabakiak hartzea.
Elkarrizketa berreskuratzea funtsezkoa dela esan ostean, Sanchez guztiekin elkarrizketak izateko agenda itxi nahi duela gaineratu du. Halaber, Parlamentuko buruekin eta agente sozialekin biltzeko asmoa duela iragarri du.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.