Jose Guirao, Kultura eta Kirol ministro berria
Jose Guirao almeriarra Pedro Sanchezen Gobernuko Kultura eta Kirol ministro berria izango da, Maxim Huerta ordezkatuz; izan ere, arratsaldean dimisioa eman du bigarrenak, Exekutiboko iturriek baieztatu dutenez.
Guirao Almeriako Diputazioaren Kultura arloko arduraduna izan zen 80 hamarkadan, Kultura Ministerioko Arte Eder eta Artxibo zuzendari nagusia 1993tik 1994ra bitartean, eta Sofia Erregina Museo Nazionalaren zuzendaria 1994tik 2001era.
Espainiako Gobernuko iturrien arabera, Guirao ostegun honetan jabetuko da karguaz erregearen aurrean, 11:00etan, Zarzuela Jauregian.
Hispaniar Filologian lizentziaduna da eta 1959an jaio zen. Jarduera politikoari 1983an heldu zion, Almeriako Diputazioaren Kultura arduradun gisa. 1987ra arte egon zen karguan.
1988ko ekainean Andaluziako Gobernuaren Kultura eta Ingurumen Kontseilaritzako Kultura Ondasun zuzendari nagusi izendatu zuten. Berak eskatuta kargua utzi zuen 1993ko urrian; izan ere, egun batzuk geroago Kultura Ministerioko Arte Eder eta Artxibo zuzendari nagusi izendatu zuen Ministroen Kontseiluak.
Urtebete geroago, 1994ko irailaren 23an Sofia Erregina Museo Nazionalaren zuzendari izendatu zuen Ministroen Kontseiluak. Bere agintaldian bertako bilduma iraunkorra aldatu zuen.
2001etik 2014ra bitartean, Casa Encendidaren buru izan zen Madrilen. Caja Madrid desagertuaren kultura eremua zen. Orain Montemadrid Fundazioko presidentea zen.
Albiste gehiago politika
Espainiarren arteko elkarbizitza nahita hausten saiatzea leporatu dio Feijook Sanchezi
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.
Andueza: "Euskal sozialistok badakigu egoera zailenetan ondo lan egiten"
PSE-EEren idazkari nagusiak esan du lan egiten jarraitzeko asmoz joan direla PSOEren Batzorde Federalera, "ibilide orri eta norabide berria" ezartzeko prozesuan parte hartzera.
EAEk "aldez aurretik egindako ahalegina" kontuan hartu izana baloratu du Melgosak: "Orain beste erkidego batzuek egin behar dute"
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.