Maxim Huerta Kultura ministroa iruzur fiskalagatik zigortu zuten 2017an
Maxim Huerta Espainiako Gobernuko Kultura eta Kirol ministroa 2017an zigortu zuten iruzur fiskala egotzita. Hiru ekitaldi fiskaletan (2006, 2007, 2008) Ogasunari zegokiona (guztira, 218.332 euro) ez ordaintzea egotzi zioten, eta 243.000 euro pagatzera (zorra, isuna eta interesak barne) zigortu zuten iaz, El Confidencial egunkari digitalak gaur jakinarazi duenez.
Madrilgo Justizia Auzitegi Nagusiak 2017ko maiatzean emandako bi epai jasotzen ditu informazio horrek. Ebazpenetan, 2006, 2007 eta 2008 ekitaldi fiskaletan zegokiona ordaindu ez zuela ondorioztatu zuen Auzitegiak. Errenta aitorpena Almaximo Profesionales de la Imagen sozietate mugatuaren bidez egin zuen Huertak: 2006an sortu zuen eta bera zen akziodun eta administrari bakarra.
Epaion arabera, Huertak 43.770 euro kendu zituen 2006an jarduera artistikoengatik; 80.481 euro, 2007an, eta, 24.451 euro, 2008an. Lan-etekinengatik aitortutakoa honakoa izan zen hiru ekitaldietan: 44.400, 43.065 eta 60.000 euro, hurrenez hurren. Guztira, 798.520 eurori zegokiona ordaindu zuen, eta Pertsona Fisikoen Errentaren gaineko Zergagatik (PFEZ), 21.860 euro pagatu zituen.
Egun Kultura ministro denak Sozietateen gaineko zergari zegokiona ordaindu zuen (atxikipen tasa % 25ekoa da), ez PFEZri zegokion guztia (atxikipen tasa askoz handiagoa du: % 48).
Epaileek frogatutzat jo zuten Huertak "atxikipen tasa altuak ordaintzea saihestu" eta "gastuen zatia bidegabe puztu" zuela.
Huerta: "Ordaindu nuen zegokidana, auzia itxita dago"
Onda Cero irrati katean elkarrizketa egin diote gaur Maxim Huerta Kultura eta Kirol ministroari. Agerkari digitalak kaleratutakoaz galdetu diotenean, garrantzia kendu dio eta bere zerga betebeharrak betetzen dituela nabarmendu du, "ez dut inongo zalantza edo gatazka moralik", erantsi du. Huertaren esanetan, "ordaindu nuen zegokidana, auzia itxita dago".
Esan duenez, ez du dimisiorik emango, ministro izan aurretik zigortu zutelako, telebista aurkezle zen garaian.
"Auzi hau ez dagokio Kultura ministroari, Maxim Huertaren kontu bat da, duela urte batzuetakoa. Irizpidea aldatu zuten, eta herritar gisa nuen erantzukizuna bete nuen, horrelaxe gertatu zitzaien ehunka kazetari, sortzaile eta artistari", argudiatu du.
Espainiako Gobernua Kultura ministroarekin harremanetan jarri da informazio horien inguruan azalpenak eman diezazkion. Exekutiboaren bozeramaile baten hitzetan, egunean zehar argituko dute auzia.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.