Bost egun ditu Urdangarinek espetxean sartzeko
Iñaki Urdangarini bost eguneko epea jarri dio Palmako Lurralde Auzitegiak espetxean sartzeko. Eguerdian, 12:15 inguruan, joan da Auzitegira, kartzelatze-agindua jasotzera, Mario Pascual Vives abokatua lagun zuela, eta hamabost minutu ere ez ditu egin eraikinaren barruan.
Dozenaka kazetariz gain, herritar ugari bildu dira Auzitegiaren atarian. Azken horiek, oihuka hartu dute Urdangarin: "txorizoa", "Borboia espetxera" edota "Iñaki, itzuli dirua" oihukatu dituzte, besteak beste.
Urdangarinek badu Auzitegi Kontituzionalean helegitea aurkezteko aukera, baina pauso hori emanda ere, ez luke berehalako espetxeratzea saihestuko.
Zigorra non bete erabaki beharko du orain Cristina infantaren senarrak. Hainbat iturrik zabalduko informazioaren arabera, Arabako Zaballako espetxea legoke Urdangarinen aukeren artean, familiarteko batzuk Gasteizen bizi direlako.
Espetxera bere borondatez joango denez, epaileak emandako bost eguneko epean Urdangarinek ez du joan-etorrirako inolako eragozpenik izango, eta, beraz, Suitzara itzultzeko aukera izango du, espetxean sartu bitartean.
Diego Torres, berriz, goiztiar ibili da, eta 09:00etan joan da Auzitegira, mandatua jasotzera. Horri ere bost eguneko epea eman diote, kartzelan sartzeko.
Jaume Matas Balearretako presidente ohia ere deituta zegoen Auzitegira, baina ez da joan. Idatzi batean, Alderdi Popularreko buruzagi ohiak epaileei jakinarazi die, bere borondatez sartuko dela gaur Aranjuezeko (Madril) espetxean.
Epai irmoa
Auzitegi Goreneko Zigor Aretoak aho batez berretsi zuen Iñaki Urdangarinen kontrako espetxe zigorra. Hala ere, Noos auziagatik lehen instantzian ezarri zioten 6 urte eta 3 hilabeteko kartzela zigorra bost hilabetean arindu zuen: guztira, 5 urte eta 10 hilabete. Palmako Auzitegiak prebarikazio delitua, diru publikoa bidegabe erabiltzea, dokumentu publikoak faltsutzea, influentzia trafikoa eta Ogasun Publikoaren kontrako bi delitu leporatu zizkion lehen instantzian.
Gorenak dokumentu publikoak faltsutzearen delitutik absolbitu du Urdangarin, bere parte-hartzea ez dela frogatu argudiatuta. Kartzela zigorraz gain, Urdangarinek milioi bat euro inguru ordaindu beharko du isunak eta kalte-ordainak aintzat hartuta.
Halaber, Auzitegi Gorenak zigorra arindu zion Diego Torresi, Urdangarinen bazkide ohiari: 8 urte eta erditik 5 urte eta zortzi hilabetera. Dirua bidegabe erabiltzeagatik, prebarikazioagatik eta administrazioari iruzurra egiteagatik zigortu dute Diego Torres; aitzitik, influentzia trafiko, diru-zuritze eta dokumentuak faltsutze delituengatik absolbitu du. Gainera, 1,72 milioi euroko isuna 750.000 eurora murriztu dio.
Jaume Matasi dagokionez, Palmako Auzitegiak ezarritako zigorra berretsi du Auzitegi Goreneko Zigor Aretoak. Zehazki, 3 urte eta zortzi hilabeteko zigorra ezarri dio prebarikazioagatik, diru publikoa bidegabe erabiltzeagatik eta administrazioari iruzur egiteagatik. Horrez gain, zazpi urteko gaitasungabetzea ere jarri dio.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.