PPk bere buruzagi berria aukeratzeko lehen bozketa egin du
Alderdi Popularrak ostegun honetan egin du Mariano Rajoyren ondorengoa aukeratzeko barne prozesuaren lehen itzulia. Horretarako, 66.706 militantek eman dute izena, hau da, afiliatuen kopuru ofizialaren % 7,6.
Estatu osotik sakabanatutako 1.096 egoitzetan egin dute bozketa, 09:00etatik 20:30era arte. Gaur, alderdia zuzentzeko hautagaiak eta uztailaren 20 eta 21ean egitekoa den ezohiko kongresurako konpromisarioak aukeratuko dituzte.
Maria Dolores de Cospedal, Pablo Casado eta Soraya Saenz de Santamaria dira aukera, antza, aukera gehien dituzten hautagaiak. Beste hirurak Jose Manuel Garcia Margallo, Jose Ramon Garcia Hernandez eta Elio Cabanes dira. Aurreikuspenaren arabera, bi hautagai baino ez dira aterako gaurko bozketatik.
Hala bada, uztaileko kongresuan, konpromisarioek hautatuko dute bietako zein izango den PPren presidente berria (afiliatuek aukeratutako 2.612 daude, eta beste 500 ez).
Alabaina, baliteke hautagai bakarra egotea, "(primarioetan) hautagaietako batek botoen % 50 baino gehiago jasoko balitu, gainerako hautagaiak baino % 15 babes gehiago jasoko balu eta barrutien erdian baino gehiago (30) garaile balitz", Estatutuen arabera.
Bozketa hartu duten egoitza guztietan bi hautetsontzi egon dira, bata presidente izateko hautagaiei botoa emateko, eta bestea 15 egun barru afiliatuak ordezkatuko dituzten konpromisarioak hautatzeko.
Gainera, egoitza askotan hirugarren bat egongo da, Belaunaldi Berrien konpromisarioak ere aukeratzeko.
Kongresuaren Batzorde Antolatzaileak boto-paper bidez bozkatzea onartu du. Goiko partean 19. Ezohiko Kongresu Nazionalaren logotipoa ageri da, uztailak 5aren data irakur daiteke, eta testu txiki bat, bete beharreko lauki batekin.
"Nire botoa … ematen diot Alderdi Popularreko presidente izateko", dio testuak.
(Alderdi Popularra zuzentzeko hautagaiak. Argazkia: EFE)
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.