Omenaldia egin diote Miguel Angel Blancori Ermuan, hilketaren 21. urteurrenean
ETAk bahitu eta hil zuela 21 urte bete direnean, Ermuko Udalak Miguel Angel Blanco PPko zinegotzia omendu du, urtero bezala. Udalak egindako omenaldian, alderdi politiko guztietako ordezkariak izan dira.
Halaber, Jesus Loza Espainiako Gobernuak Euskal Autonomia Erkidegoan (EAE) duen ordezkariak eta Aintzane Ezenarro Gogora institutuko zuzendariak ere parte hartu dute, besteak beste.
Juan Carlos Abascal Ermuko alkateak adierazi duenez, duela 21 urte guztia aldatu zen eta "beldurra, isiltasuna eta paralisia mobilizazio eta askatasun ohi" bihurtu ziren.
"Hiltzaileak heroi gisa tratatzen dituztenen eta indarkeria ekintzak justifikatzen dituztenen aurrean egongo gara", azpimarratu du.
Bestalde, "elkarbizitzarekiko eta demokraten batasunarekiko" konpromisoa agertu du.
Juan Carlos Abascal Ermuko alkatea. ETBren bideotik ateratako pantaila-irudia.
Biktimen omenezko monolitoaren aurrea egindako omenaldian, ETAk hildako beste ermuar bat gogoratu du Udalak: Sotero Mazos Figueras. ETAk 1980an hil zuen Eibarren, tiroz, ile-apaintzailea.
Adierazpenen ondotik, ohi bezala, lore eskaintza egin dute biktimen oroitarriaren aurrean.
Omenaldi bat Udalak, bestea PPk
Alderdi Popularrak, bere aldetik, beste ekitaldi bat antolatu du eguerdian San Pelayo plazan, eta alderdiko ordezkaritza zabala elkartu da bertan. Bizkaiko herrian izan dira, besteak beste, Soraya Saenz de Santamaria Rajoyren Gobernuko presidenteorde ohia, Fatima Bañez Lan ministro ohia eta Alfonso Alonso Euskadiko PPko presidentea. Horrez gain, Mari Mar Blanco Miguel Angel Blancoren arrebak eta Terrorismoaren Biktimen Fundazioko presidente ere badenak parte hartu du.
Soraya Saenz de Santamariak azpimarratu duenez, lehentasuna ez da ETAko presoak etxeratzea, terrorismoagatik erbesteratuak izan diren pertsonen itzulera baizik. PPren presidentegaiak zehaztu duenez, ETA garaitua izan ez bada ere, egitekoa ez da amaitu eta "lanean jarraitu behar da ETAren diskurtsoa behin-betiko garaitzeko eta "egiazkoa eta justua izango den kontakizuna eraikitzeko".
Alfonso Alonso Euskadiko PPko presidentearen esanetan, ETA garaituta badago ere, "borroka ez da amaitu". "Hemen gatazka bat egon zela kontatu nahi dute, baina ez diegu utziko", gaineratu du.
Bestalde, Mari Mar Blancoren hitzetan, ez dago barkamenik hiltzaileentzat: batetik, "barkamenik eskatu ez dutelako" eta, bestetik, "justiziarekin kolaboratu nahi ez dutelako". Biktimak "aulkiengatik" saldu ezin direla azpimarratu ostean, gazteek bere anaia nor zen jakin behar zutela aldarrikatu du.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.