Gazte bat atxilotu dute Gasteizen ISISen kide izatea leporatuta
Polizia Nazionalak 21 urteko gazte bat atxilotu du Gasteizen, ISISen kide izatea leporatuta. Gainera, miaketa bat egin du hiriburu arabarrean eta beste bi Algecirasen (Cadiz).
Poliziatik Eferi adierazi diotenez, atxilotua Algecirasen bizi zen eta jatorriz marokoarra da, nahiz eta Gasteizen atxilotu duten. Erakartze eta doktrinatze lanak egitea eta organizazio terrorista baten kide izatea egotzi diote.
Halaber, Arabako hiriburuan egindako miaketa atxilotuaren etxebizitza batean egin dute. Algecirasen beste etxebizitza batean eta lokutorio batean egin dituzte.
Barne Ministerioak zabaldutako ohar baten arabera, atxilotua "ezaguna zen jihadismoaren aldeko ideologia duten taldeetako kide zelako Algecirasen".
Gazteak bizimodua eta adierazpenak "gogortu" zituen, eta "muturreko salafisten" alde agertu zen, "organizazio terroristek, gehien bat Estatu Islamikoak, egindako ekintza terroristak babestu ere egin zituen".
A.M.R.R. beste pertsona batekin harremanetan egon zen, hain zuzen, iaz Marokon atxilotutako batekin. Antza, beste horrekin elkartu zen Marokon, eta harremana mantendu zuen sare sozialetan eta bestelako plataforma digitaletan, eta horien helburua atentatuak egitea zen, ikerketak dioenez.
Operazioa Informazio Komisaria Nagusiak eta Algeciraseko Polizia Nazionaleko Informazio Brigadak egin dute, eta frogatutzat eman dute atxilotuak beste pertsona atentatuak egitera animatu zuela, ISISen ikus-entzunezko materiala erabilita.
Gasteizen atxilotutako gazteak segurtasun neurriak hartzen zituen, besteak beste, mezuak bidaltzeko aplikazio ziurrak eta telefono zenbaki ezberdinak erabili.
Ikerketa Auzitegi Nazionaleko Fiskaltzak koordinatuta eta 1 zenbakiko Instrukzio Epaitegiak zuzenduta egin dute.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.