EAJk ez du alderdien 'betorik' onartuko estatus berriari buruzko eztabaidan
Andoni Ortuzar EAJren presidenteak ohartarazi du jeltzaleek ez dutela onartuko ez ezker abertzalearen ez beste alderdien "betorik" estatus politiko berriaz eztabaidatzeko garaian, gaur egungo akordioa ez delako "dogma aldaezin bat" eta ezin delako Konstituzioaren "estutasunik" onartu.
Ortuzarrek autogobernuari buruzko lantaldea izan du hizpide EAJk Zarauzko kai-muturrean, kurtso politikoari hasiera emateko, egin duen ekitaldian.
EAJko alderdikide nagusiez gain, ekitaldian izan dira gonbidatu gisa David Bonvehi PDeCATen presidentea eta Miriam Nogueras presidenteordea.
EAJren presidenteak, Iñigo Urkullu lehendakariak asteartean esan zuen haritik, estatus berriaren akordioa zabaltzeko beharra azpimarratu du. "Hitz egiteko unea da, paperak eta proposamenak trukatzeko garaia da, negoziatzeko, guztiok mugitzeko", gaineratu du.
Ortuzarrek "beto gutxiago" nahi ditu "ahal den akordio zabalena" lortzeko, bere garaian Gernikako Estatutua babestu zutenak eta "orduan kanpoan geratu zirenak" barne har ditzan.
"Azken batean, ezker abertzaleak ez digu 'hartzaren besarkada' emango, eta sozialistek eta Podemosek ezin dute pentsatu haien apustua aurrera eramatea, herri honetan gutxiengoa diren heinean", ohartarazi du.
PSEk eta Podemosek EAJren proposamena "gutxietsi" besterik ez dutela egin kritikatu du; eta EH Bilduk behintzat "akordiorako oinarria" ahalbidetu duela txalotu du.
Dena den, ezker abertzaleari eskatu dio Estatuko politikan ere "bustitzeko", adibidez "gastu muga eta aurrekontuak bozkatu behar direnean".
Sanchezi botoak hitzeman dizkio
Bestalde, EAJren presidenteak Pedro Sanchez Espainiako Gobernuko presidenteari ziurtatu dio jeltzaleen "botoak" izango dituela "legegintzaldiak irauteko", baina "euskal autogobernuak aurre egitearen" eta Estatutua betetzearen truke.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.