Kuartelen inguruko negoziazioa 'lehenbailehen' hastea eskatu dio Goiak Roblesi
Loiolako kuartelen inguruko negoziazioak “lehenbailehen” hastea beharrezkoa dela adierazi dio Eneko Goia Donostiako alkateak Espainiako Defentsa Ministerioari, Armadak Donostian dituen instalazioak utzi eta hiriaren eskuetara pasatzeko helburua ahalik eta azkarren lortzeko asmoz, Donostiako Udalak ohar baten bidez jakitera eman duenez.
Margarita Robles Defentsa ministroak eta alkateak Madrilen egin duten bileran, Eneko Goiak gogorarazi du Espainiako Lurreko Armadaren lursailen inguruko aldarrikapena “aspaldiko kontua” dela.
Gainera, Donostiako Udalak aho batez iritzi dio sail hori hiriaren eskuetan uztea beharrezkoa dela, Urumea ibarretik barrena aurreikusita dagoen garapen urbanistikoa gauzatu dadin.
Alkateak nabarmendu du hau izan dela “lehen aldia” Defentsa ministro batek Donostiako alkate bat hartzen duela Loiolako kuartelen inguruan hitz egiteko, baina onartu du “dezepzio puntu batekin itzultzen dela Defentsako arduradunak adierazitako jarrerarekin”.
Dena den, bi aldeek adostu dute datorren azaroan beste bilera batean elkartuko direla eta bertara Ministerioak kuartel berri baten eraikuntzak izango dituen kostuen ikerketa eramango du.
Eneko Goiaren esanetan, kuartelen leku aldatzea lortzeko “borondate politikoa behar beharrezkoa da”, nahiz eta orain arteko Espainiako gobernu ezberdinek “ez duten halakorik adierazi”. Hori dela eta, Defentsa ministroari dei egin dio “zezena adarretatik heldu” eta “Donostiaren etorkizunerako berebiziko garrantzia duen gai honen korapiloa aska dezan”.
Donostiako alkateak Loiolako lursailek izan dezaketen garapen urbanistiko ezberdinak aztertzen dituzte txosten ezberdinak partekatu ditu Robles ministroarekin, Ministerioaren jabetzakoak diren lur horien etorkizuneko aukerak ikusteko helburuz.
Eskuzaitzeta
Eneko Goiak adierazi duenez instalazio militarrentzat “leku alternatiboak bilatzea beharrezkoa bada”, Espainiako Gobernuak “lursail handia badauka dagoeneko Eskuzaitzetako industrialdean, Armadaren egungo instalazioak bertan eraikitzeko aukera ugari eskaintzen duena gainera”.
Edozein kasutan, alkateak adierazi du Udala “prest dagoela negoziatu beharreko guztia negoziatzeko”.
“Helburu bakarra dugu: Loiolako kuartelen lursaila hiriarentzat berreskuratzea”, esan du, baina horretarako “orain arte Espainiako Gobernuak azaldu ez duen borondatea adieraztea derrigorrezkoa da”.
Zure interesekoa izan daiteke
Hauteskundeak dituzte igande honetan Extremaduran, lehen aldiz aurreratuta
890.985 herritarrek dute boto eskubidea: 556.424, Badajozen eta 334.561, Caceresen. Inkesta guztien arabera, PPk irabaziko ditu bozak, baina ez du gehiengo osorik lortuko eta PSOEk zartakoa jasoko du. Voxek eta Unidasek, aldiz, gora egingo dute, betiere inkesten arabera.
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.