De Miguel auziaren epaiketari berriz helduko diote astelehenean
De Miguel auziaren epaiketari berriz helduko diote datorren astelehenean. Epaiketak 26 akusatuen deklarazioarekin jarraitzea espero da. Legez kanpoko komisioak ustez kobratzeko sare batengatik Arabako EAJren buruzagi ohiak erruztatuen aulkian esertzen dira.
Aurrena deklaratzen Alfredo de Miguel inputatu nagusia izango da. Arabako EAJren bigarrena eta batzarkidea izan zen. Fiskaltzak 54 urteko kartzela-zigorra eskatu du, legez kanpoko komisioak kobratzeko sarea zuzentzea leporatuta.
Hala ere, Fiskaltza eta akusatu nagusien defentsak akordio bat negoziatzen ariko lirateke, El Correo egunkariak gaur argitaratu duenez, zigor txikiagoen truke auzipetuek delituak onartzeko.
Josu Izaguirre Arabako fiskalburuak ez du adierazpenik egin nahi izan, eta Alfredo de Miguel auzipetu nagusiaren abokatua konfidentzialtasunean babestu da, ez erantzuteko.
Oraingoz Fiskaltza eurekin harremanetan jarri ez dela eta ez dutela ezer negoziatu azaldu dute beste abokatuek, baina ateak zabalik dituztela eta proposamenaren zain daudela argi utzi dute, beti ere bezeroen mesederako baldin bada.
Jesus Mari Villegas Aitor Telleriaren eta Araceli Bajo haren emaztearen abokatuak negoziazioa ukatu du, ETBk jakitera eman duenez. Zigorra saihesteko edo murrizteko, “gainerako akusatuen defentsak Ministerio Fiskalarekin akordioetara heltzeko saiakeran ari diren ez dakit”, ziurtatu du Villegasek.
Dena den, datorren astelehena baino lehen akordio bat ixteko zailtasunak onartu dituzte. Horrelako “gairen” bat baldin badago, astelehenean epaimahaia jakinaren gainean jarri eta epaiketa bertan behera uztea eskatu beharko luketela azaldu dute.
Mota horretako akordioak itxi arte “epaimahaiari jakinarazten” ez zaizkiola adierazi du gaur Jaime Tapia Arabako Lurralde-auzitegiaren aretoko presidenteak Radio Vitoria irratian. Azkenik, akordioa lortzen baldin badute, astelehenean jakitera eman beharko luketela erantsi du magistratuak.
Makroepaiketa, Euskadin ustezko ustelkeriagatik sekula egin den handiena, iragan urtarrilean hasi zen. Epaiketak akusatuen deklarazioarekin abiatzea da ohikoena, baina kasu honetan akusatuek bukaeran deklaratzea onartu zuen epaimahaiak, abokatuek eskatuta eta Fiskaltzaren oniritziarekin.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.