Kontabilitate guztiaz Alfredo de Miguel arduratzen zela esan du lekuko batek
Eduardo Perez Eskalmelo enpresako administratzaileak esan du sozietate horretako kontabilitate guztiaz Alfredo de Miguel Arabako EAJko buruzagi ohia arduratzen zela; "nik zenbat eta gutxiago jakin, hobeto", erantsi du epailearen aurrean.
Ustelkeria egotzita Arabako EAJko buruzagi ohien kontrako epaiketak aurrera jarraitzen du. Guztira, 26 auzipetu daude eta gaurko saioan lekuek deklaratu dute.
De Miguelek zuzentzen zuen balizko ustelkeria sareak legez kanpoko komisioak kobratzeko erabiltzen zuen Eskalmelo konpainia eta gaur sozietate horretako administratzaileak deklaratu du, lekuko moduan.
Stoa enpresaren eta Arabako Teknologia Parkearen arteko kontratuari lotutako galderak egin dizkiote.
Josu Izaguirre Arabako fiskalburuaren arabera, Sergi Fernandez Oleagak (Stoa konpainiako administratzailea eta kasu honetan auzipetua) De Migueli esker lortu zuen kontratu hori, eta horretarako 3.570 euro ordaindu zizkion Kataia Consulting enpresari, Eskalmelo sozietatearen bidez.
Eduardo Perezek azaldu duenez, Eskalmelo 2006ko abuztuan sortu zuen De Miguelekin batera, Arabako Errioxan lursailak erosi eta eguzki-plakak jartzeko asmoz. Kontabilitateari lotutako guztiaz hasieratik De Miguel arduratu zelan zehaztu du, baita lursail haiek erosteaz ere.
Eskalmelo ez zen inoiz Gizarte Segurantzan alta emanda egon eta ez zuen langilerik izan. Hala ere, fiskalaren arabera, Kataia Consulting enpresari hainbat ordainketa egin zizkion, batez ere 2008an.
Nolanahi ere, Stoak Eskalmelori 2009ko urtarrilean egindako 3.570 euroko ordainketa berak Sergio Fernandez Oleagarentzat egindako lan baten ondorio izan zela ziurtatu du. Perezen esanetan, estolderia egiteko enkargua eman zion Fernandezek.
Fiskalaren arabera, berriz, egun batzuk lehenago Arabako Teknologia Parkearekin lortutako kontratuagatik Sergio Fernandezek Alfredo de Migueli ordaindutako legez kanpoko komisioaren zenbatekoa da hori.
Bestalde, gaurko saioan Beatriz Vicinayk (Ainhoa Alberdiren bazkidea) ere deklaratu du lekuko moduan.
Ainhoa Alberdik eta Sergio Fernandezek egin zuten bileran egon zen Vicinay, eta joan den astean Alberdik epailearen aurrean esandakoa berretsi du: De Miguelek eskatutako komisioa ordaintzeari uko egin ostean, EAJko buruzagi ohiak Alberdi-Vicinay sozietatea Stoak Arabako Teknologia Parkearekin lortu zuen kontratutik kanpo uztea agindu zuela eta Fernandezi azalpenak eskatu zizkiotela, baina Fernandez luzamendutan ibili zela.
Epaiketaren hurrengo saioa bihar egingo dute. Perituen txanda izango da.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.