Alberdiren aitak esan du De Miguelek ohartarazi ziola alabak arazotan sar zezakeela
Juan Antonio Alberdik lekuko gisa deklaratu du gaur Arabako Probintzia Auzitegian, hain zuzen ere, ustez legez kanpoko komisioak kobratzeagatik Arabako EAJko hainbat buruzagi ohi auzipetuen aulkian eseri dituen "De Miguel" kasua argitara eman zuen abokatuaren aitak. Epailearen aurrean Juan Antonio Alberdik azaldu duenez, 2009. urtearen amaieran Alfredo De Miguel Arabako EAJko bigarrena izandakoak telefonoz deitu zion bere alabak arazotan sar zezakeela ohartarazteko.
Pasa den urtarriletik Arabako Probintzia Auzitegian egiten ari diren "De Miguel" auziko epaiketan, guztira 26 pertsona eseriko dira auzipetuen aulkian, tartean, Alfredo de Miguel Arabako EAJko bigarrena izandakoa eta Aitor Telleria eta Koldo Otxandiano EAJren Arabako zuzendaritzako kide ohiak.
2009an Fiskaltzaren aurrean Ainhoa Alberdi abokatuak salatu zuenez, 100.000 euroko legez kanpoko komisioa ordaintzera behartu nahi izan zuten, bere enpresari 2006an (Urbanorma Consulting SL) Miñaoko Teknologia Parkea handitzeko kontratu bat esleitu ziotelako. Esandakoa baieztatzeko, Alberdik grabagailua eta dokumentuak eman zizkion fiskalari.
Ainhoa Alberdiren aitak bere deklarazioan azaldu duenez, De Miguelek berak deitu zion telefonoz 2009. urtearen amaieran bere alabak arazotan sar zezakeela esateko. Gaineratu duenez, berarekin bazkaltzeko gelditu zen Gasteizko jatetxe batean eta hitzordu horretara ordura arte ezagutzen ez zuen Aitor Telleria ere azaldu zen. Bazkari hartan esan zioten bere alabak "zorra" zuela beraiekin, gehiago zehaztu gabe. Tartean "zerbait arraroa" zegoela pentsatuta, beste bazkari baterako hitzordua jarri zutela esan du. Alabari gaiaz galdetuta, kontu horretan ez sartzeko eskatu ziola nabarmendu du eta erantzun hori mahaigaineratu ziela geroago Sondikan De Miguel eta Telleriarekin egindako bigarren bazkarian.
Bigarren hitzordu horretan, "zorrak" alderdiarekin zerikusia ote zuen galdetu zien Alberdiren aitak De Miguel eta Telleriari eta hauek ezetz, "pertsonen kontua" zela. Zorraren zenbatekoa esan ziotenean (20 milioi pezeta), "asko" iruditu zitzaiola eta ia zorabiatu egin zela onartu du.
Hari horri tiraka eta Jaime Tapia epaimahaiko presidentearen galderei erantzunez Juan Antonio Alberdik ziurtatu du alderdiak ez duela zer ikusirik izan.
Juan Antonio Alberdik ez ezik, Beatriz Vicinay Ainhoa Alberdi abokatuaren egungo bazkideak ere deklaratu du. Ainhoa Alberdik epailearen aurrean esandakoa berretsi du, hots, De Miguelek eta Telleriak 100.000 euroko ordainketa eskatu zietela. Haren hitzetan, diru kopuru horrek ez zeukan zorrarekin zerikusirik, "esleipenagatik eskatutako komisioa" zen. Halaber, "babes" neurri gisa elkarrizketak grabatu zituztela eta horiek ez zituztela manipulatu azpimarratu du.
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.