Pedro Sanchezen tesia irakurgai dago Teseoren datu-basean
Pedro Sanchez Espainiako Gobernuko presidentearen doktoretza tesia Hezkuntza, Kultura eta Kirol Ministerioaren Teseo datu-basean argitaratu dute gaur.
Oposizioak eta hainbat komunikabidek tesiaren inguruan eragindako zalantzak argitze aldera, atzo bertan baimendu zuen Sanchezek doktoretza lan hori aipatu datu-basera igotzea.
"Espainiako Diplomazia Ekonomikoaren Berrikuntzak: sektore publikoaren analisia (2000-2012)" izenburua dauka Camilo Jose Cela Unibertsitatean aurkeztutako lanak, eta zegokion epaimahaiaren aurrean defendatu eta bikain cum laudea jaso zuen Sanchezek tesi horregatik.
Hain zuzen ere, Espainiako sektore publikoaren maila ezberdinek diplomazia ekonomikoan zuzendu dituzten berrikuntzak ditu ardatz lan horrek, Teseoren laburpenak azaldu duenez.
Horretarako, diplomazia ekonomikoa zer den definitzen du tesiaren hasieran. Aurrerago, nazioarteko ekonomia gaiekin lotuta, udaletxeetan eta eskualdeetan eman dituzten aurrerapausoak ikertzen ditu Snchezek.
Halaber, lan horretan hainbat adibide jasotzen ditu, Espainiako sektore publikoak ekonomia nazioartekotzeko eta enpresak babesteko hartutako konpromisoa erakusteko.
Plagioen kontrako azterketak gainditu ditu tesiak
Pedro Sanchez Espainiako gobernuburuak 2012an egindako doktoretza tesiak plagioen kontrako bi programen azterketa gainditu du, Exekutibo zentralaren esanetan. Bi software horien arabera, tesia originala da.
Turnitin eta Plagscan softwareek lanari egin dioten azterketen emaitzak kaleratu ditu Moncloak gaur goizean, tesia oso-osorik interneten eskuragarri jarri behar duen egun berean. Ikerketa lanen plagioak atzematen zabal erabiltzen dira bi programok: Turnitin Oxfordeko Unibertsitatean erabiltzen dute, eta PlagScan erreferentzia da Europan. Lehenengoak originala ez den edukia % 13koa dela zehaztu du; bigarrenak, % 0,96koa. Espainiako Gobernuaren arabera, portzentaiok "normalak" dira, eta bateragarriak dira halako lan batek eduki behar dituen aipu eta erreferentziekin. Izan ere, software horiek ezin dituzte erreferentziak kopiatutako edukitik bereizi.
Espainiako presidentearen tesiaren liburukiaren azala. Argazkia: EFE
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.