Aznarrek, PPren B kutxaren inguruan: 'Ez dut barkamena eskatuko'
Jose Maria Aznar PPko presidente eta Espainiako presidente izan zena Diputatuen Kongresura itzuli da, kasu honetan, PPren ustezko legez kanpoko finantziazioa ikertzen duen batzordearen aurrean agertzeko. Agerraldian ziurtatu duenez, ustelkeria kasu bati aurre egin behar izan dion bakoitzean "zorrotz eta determinazioz" jokatu izan du. Are gehiago, ez du uste barkamena eskatu behar duenik Alderdi Popularrari eragin dioten ustelkeria kasuengatik.
"Ez dut ezergatik barkamena eskatu behar, ez dut zuk eskatzen didazulako barkamena eskatuko", esan dio Aznarrek Talde Sozialistaren izenean galdera egin dion Rafael Simancasi. Aurrez, barkamena eskatzera gonbidatu du Espainiako presidente ohia, bere alderdiak Espainiako erakundeei eragindako kalteagatik.
"Nire erantzukizun politikoek PPren kudeaketa ekonomikoari buruzko kontuengatik urruntzen naute", azpimarratu du.
Bestalde, ukatu egin du Alderdi Popularraren barruan B kutxa egon izana eta berak gainsoldatak jaso edo agindu izana. Jose Maria Aznar 1990 eta 2004 bitartean izan zen PPko presidente. Maiatzean eman zuen epaian, Auzitegi Nazionalak frogatutzat eman zuen PPk B kutxa bat zuela finantzatzeko. Aznarren ustez, ordea, 1.000 orrialde baino gehiago dituen epai horretan ez dago B kutxa hori egon zela egiaztatzen duen frogarik.
Barcenasen paperetan agertzen diren 'JM' inizialak bereak ote diren galdetuta, Aznarrek esan du ez duela legezkoa ez den diru-sarrerarik jaso, ezta agindu ere, baina terrorismoaren ondorioak pairatu zituzten zenbait pertsonari lagundu ziela iradoki du.
Aznar: "Ez nuen Correa ezagutzen eta ez nuen nik kontratatu"
Aznarrek ukatu egin du Gurtel sarearekin eta Francisco Correarekin harremanik izatea: "Nik ez nuen Correa ezagutzen eta ez nuen nik kontratatu". Ikerketa batzordeko hainbat kidek galdetu diote Francisco Correari buruz; izan ere, Aznarren alabaren eta Alejandro Agag enpresariaren arteko ezkontzan egon zen.
Gurtel sarearen lehen epaiketan, Jose Maria Aznarren suhiaren "lagun mina" zela esan zuen.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.